اسلام آباد ۔06 اگست (اے پی پی) وزیر اعظم شاہد خاقان عباسی پارےنے کہ سینٹ پاکستان نا پارلیمنٹ نا المی ئُ بشخ اسے و بنجائی اکائی تا حق انا گچین رکھ ا نا دنگ اٹی سلسا کانود سازی ٹی دا نا کڑد ستاءکڑزک، سینٹ نا 45 می یوم تاسیس ناوخت آ وزیر اعظم تینا کلہواٹی مچ آپاکستان نا الس ئِ است انا ھب اٹ مبارکبادی تس، اوپارے کہ پاکستان اسہ بنجائی ریاست مننگ نا سوب ہمو وخت آ زیات شون ہلیک ہراوخت آدانا اکائی تا بنجائی کہول آ نمائندگی ٹی گیچینی بریک ۔وزیر اعظم شاہد خاقان عباسی پارےنے کہ بنجا ناایوان اٹی نمائندگی زیات مسنے ، ہراڑے غٹ اکائی تاکچ انا لحاظ آن بریبر نمائندگی ئِ و ہنداوڑ اوفتا مفادو حق انا زیات رکھ مسنے ۔ کنے پورواومیت ئِ کہ سینٹ آف پاکستان بنجاءنا حقی روح انارداٹ بنجائی اکائی تا حق ا نا رکھ اکن تینا کڑد ئِ ادا کننگ ناچرجوئی ئِ برجاتخک۔
