اسلام آباد ۔ 06 اگست (اے پی پی) محکمہ موسمیات ئَ آوکیں 24ساعتاں ملک ئِ گیشتریں دمگاں موسم گرم ئُُ نمبیگ وھدیکہ ہزارہ ،پشاور،کوہاٹ ،بنوں ،مردان ،ڈی آئی خان،راولپنڈی ،گوجرانوالہ ،لاہورڈویژن،اسلام آباد،فاٹائُُ کشمیر ئَ بازیں د مگاں ترندیں گوات ئُُ گرند ئُُ گروک ئَ گوں ھور ئِ گمان انت۔یک شمبے ئَ ادا چہ شنگ بیان ئِ رد ئَ آووکیں 48ساعتاں ہزارہ، پشاور، مردان،کوہاٹ، بنوں،ڈی آئی خان، راولپنڈی، گوجرانوالہ ڈویژن، فاٹا،اسلام آباد ئُُ کشمیر ئَ جاھے جاھے ترندیں گوات ئُُ گرند ئُُ گروک ئَ گوں ھور ئِ گمان انت۔ایشی ئِ ابید لاہور، مالاکنڈ ڈویژن ئُُ گلگت بلتستان ئَ لہتیں دمگاں گرند ئُُ گروک ئَ گوں ھور ئِ گمان انت۔وھدیکہ ملک ئِ دگہ دمگاں موسم گرم ئُُ نمبیگ بیت۔گوستگیں 24ساعتاں ملک ئِ گیشتریں دمگاں موسم گرم ئُُ نمبیگ بوتگ بلے لاہور ڈویژن،فاٹا ئُُ کشمیر ئَ لہتیں جاھاں ترندیں گواتاں ئُُ گرند ئُُ گروک ئَ گوں ھور بوتگ۔ درستاں چہ گیش ھور کوٹلی 12،گڑھی دوپٹہ04، لاہور03، ئُُ پاراچنار ئَ03 ملی میٹر ریکارڈ
کنگ بوتگ۔
