اسلام آباد ۔05اگست (اے پی پی) مسکوہی وزیر اعظم محمد نواز شریف پارینے کہ اسہ ماراسے نا کمپنی آن تنخواہ ہلپننگ و ایلونا کنڈآن پیشن آن پیسہ گدریفنگ آ اعتراض سمجھ آن پیشن ئِ ، کرپشن ، کک بیک یا سرکاری خزانہ ٹی کرپشن اس کروسٹ تو ہیت اس ئسک، کرپشن نااسہ دوبہ اس ہم اف ، ما را نا کمپنی آن تنخواہ ہلتنوٹ تو گواشوارہ غاتیٹی پاش کننگ نا انت تک اسے ، ہفتہ نا دے پنجاپ ہاﺅس اٹی صحافی تتون ہیت و گپ کرسا او پارے کہ انتس کہ مس او کل انا مون آٹی ئِ ، مسکوہی وزیر اعظم پارے کہ ای پاننگ خواوہ ولے داسکان چُپ مننگ خواوہ ، نواز شریف پارے کہ کنے آن وکنا چنا تیان ہریفنگ انگ ئِ کہ ہراپیسہ غاک ئُ ہرافتے ناجائز وڑاٹ کٹارے ا، او پارے کہ دہشت گردی ئِ چٹفین، نن بلوچستان اٹی مفاہمتی عمل نا بنا ئِ کرین،او پارے کہ جی ٹی روڈ آن لاہورآہننگ نا خواہش مند ئس ولے سیکورٹی والاک منیتوس اینو نہ تو پگہ جی ٹی روڈ آن لاہورآ کاوہ ، مسکوہی وزیر اعظم پارے دُن ئُ ہچ ئُ کاریم اس کپرہ ہراڑآن معاشی شونداری زہمی مرے ،نن دھرنہ غاتا ورندی ئِ داوڑاٹ تتون،میثاق جمہوریت آمہالو ہم عمل کرین و داسا ہم عمل کینہ،کنا وطن آ پدی بننگ آ پرویز مشرف کنتون ملنگ خواہسکہ ولے ای اوڑتون ملتوٹ، او پارے کہ تدوک آ دے اسہ آمراس پارے کہ آمریت جمہورت آن گچین ئِ ، نن نئے کسس نا توہین ئِ کرین نئے کرینگ تسن، اوپارے کہ نن سقوط ڈھا کہ غان سبخ ہیل کتون ،داکان مست مری آن اسلام آباد آ بننگ آ اودے جاگہ جاگہ بخیر کننگا بہارہ کہو ٹی ہزارآمسلم لیگی باسک آک تینا قائد ئِ اسہ نظر اس ہُننگ کن مچ ئسر۔ نواز شریف ہراتم ہموڑے سرمس تو تینا گاڈی آن پیشن پیش تما و کارندہ غاتا دوتے بڑزکرسا اوفتا منت واری ئِ ادا کرے داوخت آ اونا حق اٹی نعرہ غاتا توار تالان مس ۔
