اسلام آباد ۔05 اگست(اے پی پی) مسکوہی وزیر اعظم محمد نواز شریف نا مری آن اسلام آباد آبننگ نا وخت آ جاگہ جاگہ غا اودے بخیر کننگا، محمد نواز شیریف چھانگلہ گلی آن اسلام آباد کن رادہ مس تواوڑتون اوار ہندی راہشون تا بھلو کچ اس ہم رادہ مس ہندن اسہ کارروان اس جوڑ مس ، او ایکسپریس وے نا کسرٹی اسلام آباد آبس کسر اٹی بستال موڑآ باسک آتا بھلو کچ اس اودے بخیر کرے ۔ دا وخت آ مسلم لیگ (ن) نا کارندہ غاک اونا حق اٹی نعرہ خلکر، ہراڑآ نوازشریف دوتے بڑزکرسا اوفتا نعرہ غاتا ورندی ئِ تس، بھارہ کہو ٹی اٹھال چوک آ کارندہ غاتا بھلو کچ اس تینا قائد نا خننگ کن سہب انا وختی آن ساڑی ئسر ہ۔مچ آکسرآتیٹی نواز شریف نا خیر مقدمی نا بینرزخلنگا سس ،ہرکنڈآ گونکی بیرک نا بہار ئس۔ بھارہ کہو آن پارٹی نا ہندی سروک آک تینا قائد ئِ ریلی نا دروشم اٹ پنجاپ ہاﺅ س آسرکریر،کسراٹ سیکو رٹی نا سخت بست و بند کننگاسس۔ بہارہ کہو ٹی اراتا چھت آتیا الس نا بھلو کچ اس ساڑی ئسک،اونا قافلہ غا پھل خسنگا ، نواز شریف نا گاڈی ئِ اونا مارحسین نواز چلیفیکہ،نواز شریف گاڈی آن پیشن مرسا بیا بخیر ی کن بروک آتا دوتے بڑزکرسا اوفتا منت واری ئِ اداکرے ۔
