کورکمانڈر پشاور لیفٹیننٹ جنرل نذیر احمد بٹ تون اوڑدہی کریر
راولپنڈی۔ 04 اگست (اے پی پی) اوغانستان فوج انا 7 باسکی بڑزکو کہولی فوجی ڈل پشاور کور انا دورہ ئِ کریر و کورکمانڈر پشاور لیفٹیننٹ جنرل نذیر احمد بٹ اتون اوڑدہی کریر۔پاک فوج انا شعبہ تعلقات عامہ (آئی ایس پی آر) نا رداٹ اوغان ڈل اتون دیوان اٹی ہڑتوم آ ملک آتا ڈی جی ایم اوز و آئی جی ایف سی کے پی ہم ساڑی ئسر۔ ہڑتوم آ ملک آک داعزم انا اعادہ ئِ کریر کہ دہشت گردی نا برخلاف جنگ برجاسلک۔ اوڑدہی ٹی سیمی انتظام نا طریقہ کار، تین پہ تینی سلامتی و گڑتی تیا سجفنگا۔ ہڑتوم آ ملک آک داہیت آ امنا کریر کہ اسیجائی کوشست و کمکاری نا رداٹ وامن و سوگوی ئِ دوئی کننگ مریک۔
