اسلام آباد۔ 04 اگست (اے پی پی) وزیر مملکت طلال چوہدری پارینے کہ پاکستان مسلم لیگ (ن) نا حکومت ملک انا شونداری و شونہالی نا سفر ئِ برجاتخک۔ جمعہ نا دے تینا اسہ انٹرویو اسے ٹی اوپارے کہ مسلم لیگ (ن) نا قائد نا وژن نا رداٹ ساڑی آ حکومت الس نا شونداری و شونہالی نا ایجنڈا ئِ مون آ ودفک۔ اوپارے کہ پوسکن آ کابینہ نا غٹ باسک آک آزموندہ کار ئُ و او پاکستان مسلم لیگ (ن) نا منشور نا رداٹ ملک ئِ شونداری و شونہالی نا مزل نا کنڈآدننگ اٹی تینا کڑد ئِ ادا کیرہ۔ اسہ سوج اسے آ طلال چوہدری پارے کہ شریف خاہوت مسکوہی وزیراعظم محمد نواز شریف نا نابودی نا فیصلہ غا نظرثانی نا جا چئِ ہلنگ ئِ۔ عائشہ گلالئی نا بابت اسہ سوج اسے آ اوپارے کہ دامعاملہ نا پورو جاست وپاست بایدے مرے انتئے کہ دااسہ عزتی ئُ نیاڑی اسے نا ننگ و ناموس نا معاملہ ئِ۔

متعلقہ مضامینمصنف کی طرف سے مزید