اسلام آباد۔ 04 اگست (اے پی پی) وزیراعظم شاہد خاقان عباسی جمعہ ناد ے تینا پوسکن آ کابینہ نا اولیکو دیوان نا کماشی ئِ کرے۔ وزیراعظم آفس اٹی مروک آ دیوان اٹی 27 بنجائی وزراءو 16وزرائے مملکت تون اوار 43باسک بشخ ہلکر۔ شاہد خاقان عباسی یکم اگست آ ملک انا 28 می وزیراعظم نا حیثیت اٹ سوغند ہرفیسس۔ پوسکن آ کابینہ نا باسک آک پاکستان مسلم لیگ (ن) نا اختیار کروک شونداری ایجنڈا و محمد نواز شریف نا وژن ئِ مون آ دننگ نا عزم انا درشانی ئِ کریر۔
