عائشہ گلالئی انتس کہ پارے اونا مناسب ئُ فورم اسے آ ضرور بایدے جاست وپاست مرے
ننے تینا ایڑ لمہ غاتا گدآ تے چکنگ نا عادت ئِ ہلوئی تمک
اسلام آباد۔ 03 اگست (اے پی پی) مسلم لیگ ن نا راہشون مسکوہی وزیر مملکت اطلاعات ، نشریات و قومی میرات مریم اورنگزیب پارینے کہ عائشہ گلالئی انتس کہ پارے اوفتا مناسب فورم آ ضرور بایدے جاست وپاست مرے، ننے تینا ایڑ لمہ غاتا گدآ تے چکنگ نا عادت ئِ ہلوئی تمک، ذرائع ابلاغ و سوشل میڈیا کل اخلاقی ضابطہ غاتے گوجالسا نیاڑی تا مقدس ہند ئِ لتاڑکننگ ئُ ، ہراوڑ عائشہ گلالئی نا معاملہ ئِ تالان کننگ انگ ئِ و اسہ ایلو نا ایڑ، لمہ و مسڑتے نشانہ جوڑ کننگ انگ ئِ او بے کچ شرمناک ئِ ، ذرائع ابلاغ و سوشل میڈیا کل اخلاقی ضابطہ غاتے گوجالسا نیاڑی تا مقدس ہند ئِ لتاڑکننگ ئُ و پیمرا ہم چپ چاپ تماشہ ئِ ہُننگ ئِ۔ پنچ شنبے نا دے جاری بیان اٹی مسکوہی وزیر مملکت مریم اورنگزیب پارے کہ عائشہ گلالئی نا بیان آن پد انتس کہ مننگ ئِ او نن غٹ اکن بے کچ است ہسونی و ڈکھ انا سوب ئِ۔ اوپارے کہ نن غٹ اواری اٹ دارویہ غاتا سوب سیاست ئِ کرینگ اس جوڑ کرینن، اسہ راج اس ہم دُن ئُ اجتماعی پستی نا تصور ئِ ہم کننگ کپک ہراڑے اسہ ایلو نا ایڑ و لمہ غاتیا سیاست مرے۔ مریم اورنگزیب پارے کہ اسلامی مملکت پاکستان نا قدر و روایت ئِ۔ ننے پاننگانے کہ لمہ نا نت تا کیرغ آن جنت ئِ۔ مریم اورنگزیب پارے کہ خداکن داگوازی ئِ بند کیر، ای اسہ لمہ ، ایڑ ، مسڑ اس جوڑمرسا غٹ سیاسی جماعت آتیان خواست کیوہ کہ نیاڑی نا شر ف ئِ ملحوظ خاطر تخر۔ ننا نبی حضرت ﷺ تینا مسڑ حضرت فاطمہ ئِ بش مسکہ بخیر کریکہ۔ ای غٹ پارٹی تا نمائندہ غاتیان خواست کیوہ کہ ننے تینا ایڑ لمہ غاتا گدآ تے چکنگ نا عادت ئِ ہلوئی تمک۔
