اسلام آباد۔ 03 اگست (اے پی پی) صدر آزاد کشمیر سردار محمد مسعود خان پارینے کہ وزیراعظم آزاد کشمیر عزتی ئُ شخصیت اسے، پاکستان نا غٹ سیاسی سروک آتے اونا بایدے شرف ئِ کروئی مرے، کشمیریک 1932 ءٹی الحاق پاکستان نا قرارداد ئِ منظور کرسا تینا مزل نا تعین ئِ کریسر، کشمیر جوڑمریک پاکستان نا نعرہ ہرکشمیری نا نعرہ ئِ۔ پنچ شنبے ناد ے کشمیر ہاﺅس اٹی پریس کانفرنس آن تران کرسا صدر آزاد کشمیر پارے کہ وزیراعظم آزاد کشمیر راجہ فاروق حیدر تینا بیان نا تردیدئِ کریسس۔ او وطن تون مابت کروک اوسے، اوڑآن داوڑنا غلط بیان ہچ ئُ وڑاسے آ درست اف، اونا بیان ئِ سیاق و سباق آن جتا پیش کننگا۔ 1932 ءٹی ننا باوہ پیرہ قرارداد الحاق پاکستان ئِ منظور کرسا تینا مزل نا تعین ئِ کریسر۔ ننا نسل آک اینو ہم داڑآ سلوک ئُ۔ اونا بیان ئِ سیاق و سباق آن اسہ پلو یعنی پین وڑاٹ پیش کننگانے۔
