راولپنڈی۔ 03 اگست (اے پی پی) یونیورسٹی آف سینٹرل پنجاپ نا طالب علم و فیکلٹی باسک آک لاہور گریژن اٹی دفاعی یونٹس، فارمیشن اٹی مچ آ دے ئِ تدیفیر۔ پاک فوج انا شعبہ تعلقات عامہ (آئی ایس پی آر) نارداٹ دادورہ ٹی طالب علم آتے پاک فوج، پاک فوج انا تنظیمی و دفاعی لائخی تا معمول نا معاملہ غاتا بابت آگاہی تننگا۔ طالب علم و فیکلٹی باسک آتا دورہ نا بناءشہید آتا یات گاری آ حاضری آن مس۔ ساڑی مروک آک پاک فوج انا شہید آتے خراج عقیدت پیش کریر۔ طالب علم آک فیلڈانفارمیشن نا دورہ ئِ ہم کریر ہراڑے افسر و رناتے تون درستی راستی سیشن اس اڈتننگا۔ داکان مست طالب علم آک ڈسپلے سینٹر اٹی سلہہ، پوسکن آ ازباب، چنکا سلہہ و سم کاری رینج اناجاچ ئِ ہم ہلکر۔ پروگرام نا ایسری واہگہ بارڈر آ قومی بیرک ئِ شیف کننگ نا دود آن مس۔ طالب علم آک پاک فوج انا بلند حوصلہ، عزم و کسبی مہارت نا ستائِ مچ آ زند یات سلوک آ داموقع ئِ فراوان کننگ آ پاک فوج انا منت واری ئِ ادا کریر۔
