اسلام آباد۔ 02 اگست (اے پی پی) پاکستان سے شنبے ناد ے اوغانستان نا شار ہرات نا مسیت اٹی دہشت گرد جلہو نا ترندی اٹ مذمت ئِ کرینے ہراٹی 30 آن زیات نہادی جان زیان و چندی بندغ آک ٹھپی مسنو۔ چارشنبے ناد ے دفترخارجہ نا ترجمان نا رداٹ پاکستان ہرات اٹی مسیت اٹی دہشت گرد جلہو نا ترندی اٹ مذمت ئِ کرسا جلہو اٹی تپاخت کروک آ بندغ آتا خاہوت آتون دلی ہڑزخواہی نا درشانی ئِ کرینے و ٹھپی تا زوت جان جوڑی کن دعا کرینے۔ پاکستان ہروڑنا دہشت گردی نا مذمت نا اعادہ ئِ کرسا پارینے کہ دہشت گردی نا دالعنت آن جان ئِ خلاص کننگ کن غٹ ملک آتا نیام اٹ خڑکی کمک نا گرج ئِ۔
