اسلام آباد۔ 02 اگست (اے پی پی) وزارت مذہبی امور پارینے کہ حج فلائٹ آپریشن جوان وڑاٹ برجائِ، 110 جہاز آتا کمک اٹ 22ہزار حاجی تے حج مبارک آ سرکننگانے۔ چارشنبے نا دے ”اے پی پی“ تون ہیت وگپ کرسا ترجمان نا پاننگ ئس کہ حج فلائٹ آپریشن نا رداٹ پی آئی اے، سعودی ایئر لائن، شاہین ایئر لائن انٹرنیشنل و ایئر بلیو نا داوخت اسکان 110 جہاز آتا کمک اٹ 22ہزار آن زیات حاجی حج مبارک آ سرمسنو۔ حاجی تا نیمہ کچ مدینہ منورہ سرمننگ آن پد 8 اگست آن حج جہاز آک جدہ غاکارہ۔ یات سلے کہ اسکیم تا رداٹ جم وڑاٹ اسہ لکھ 79 ہزار 210 پاکستانی حج انا سعادت حاصل کیرہ۔ حج آن مست فلائٹ آپریشن 26اگست آ چٹک۔
