اسلام آباد۔ 02اگست (اے پی پی) چین پاکستان اقتصادی راہداری ڈٹ(سی پیک) نا رداٹ خیبر پختونخوا نا ضلع نوشہرہ ٹی واقع رشکئی اقتصادی زون دسمبر 2017ءٹی فعال مریک، دا زون انا اڈتننگ آن صوبہ ٹی روزگار نا اسہ لکھ 40 ہزار براہ راست وخت اس کہ 3لکھ 50 ہزار بالواسطہ وارخواہی ودی مریک، ڈٹ اٹی بروک آ 10 سال اٹی شرح نمو 6درسد سلک وخت اس کہ 2025ءاسکان فی کس کٹیا ٹی 50 درسد ودکی مریک۔ وزارت ڈٹ بندی ٹی اڈ ہلوک سی پیک سیکرٹریٹ نا کمامدارآک اے پی پی ئِ پاریر کہ چین پاکستان اقتصادی راہداری ڈٹ(سی پیک) نا رداٹ خیبر پختونخوا نا ضلع نوشہرہ ٹی واقع رشکئی اقتصادی زون دسمبر 2017ءٹی فعال مریک، دازون انا اڈتننگ آن صوبہ ٹی روزگار نا اسہ لکھ 40 ہزار براہ راست وخت اس کہ 3لکھ 50 ہزار بالواسطہ وارخواہی ودی مریک۔ ڈٹ اٹی بروک آ 10 سال اٹی شرح نمو 6درسد سلک وخت اس کہ 2025ءاسکان فی کس کٹیا ٹی 50 درسد ودکی مریک۔ اوپارے کہ رشکئی اقتصادی زون (ایم ون نوشہرہ ) کن 2000ایکڑ ڈغار دوئی کننگانے و صنعتی بستی نا اڈتننگ کن گام گیج آتا چرجوئی ترندی اٹ برجائِ۔ اوپاریر کہ اقتصادی زون اٹی میوہ و خور انا گڑا تا پیکجنگ ، ٹیکسٹائل سٹچنگ ونیٹنگ وایلو تعلقدار صنعت آتا اڈتننگ و اوفتے کن آسراتی آ چکار تخنگک۔ رشکئی اقتصادی زون نا علاقائی و جغرافیائی اہمیت ئِ مون آتخسا اوپاریر کہ داصنعتی بستی آن بالی پٹ نا فاصلہ 65کلومیٹر، ڈرائی پورٹ 65کلومیٹر، ریلوے اسٹیشن 25کلومیٹر، سٹی سینٹر 15کلومیٹر ہائی وے 5کلومیٹر و موٹروے بالکل متصل ئِ۔
