ایوان ئِ دُرس آں چہ مستریں کار اِنت کہ آ شرپ ئُُ اِزت ئَ برجا بہ کنت، اپوزیشن ، اُرد، انٹیلی جنس ادارگ، کاروباری مردم آں ھوار توامیں مردم یکیں بوجیگ ئَ سوار اَنت، بوجیگ ٹُنگ بوت گڈا دُرستیں مردم بُڈ اَنت،
45چیل ئُُ پنچ روچ ئِ واستہ اتکگ اوں یا 45چیل ئُُ پنچ کلاک ئِ واستہ، بلے چیل ئُُ پنچ ماہ ئِ کار ئَ کن آں ئُُ رواں، آٹومیٹک وتاس آنی توامیں لائسنس واپس زورگ بہ بنت ئُُ مردم آناں زرّ واتر کنگ بہ بنت،
ملک ءِ اندر ئَ بُرز ئُُ بلندیں وانگ ئُُ زانگ ئِ سک پکار اِنت، مڈی آنی وسیلگ ئَ جوانیں نادُراھ جاھ جوڑ کناں ، بے نظیر انکم سپورٹ پروگرام ئِ ھد ئُُ ابیل ئَ گیش مستر کناں، یکم نومبر ئَ تاں سرجمیں ملک ءَ لوڈشیڈنگ ئِ ھلاسی بیت، موٹرویز ئُُ ریلویز ئِ جوانیں نظام برجا کناں،
نواز شریف ئِ کراچی ئَ داتگیں پیکیج ئِ سوگند ئَ پیلو کناں، ٹیکس دیگ یک آپریشن ئِ نہ اِت، بلکینگ ئَ اِیش کانودی لوٹ اِت، ٹیکس نہ دیوک آنی رند ئَ کپ آں، اُلس ئِ مزن وزیر نواز شریف ایگ اِنت، آئی ئِ کسور ھمیش اِنت کہ آئی ئَ ملک ئَ را ایٹمی ملک ئِ جوڑ کتگئُُ زرّ ئِ ھساب ئَ گیش مھکم کتگ، ما مزن شاہ آمید گس ئِ پیسلہ ئَ را دل ئُُ جان ئِ گوما من اِتگ، بلے پاکستان ئِ اُلس ئَ ایشرا رد کتگ، ھلاپ کنوک ھم گواہی دیاں کہ نواز شریف ئَ اِچبر کرپشن نہ کتگ، ملک ئِ راستیں مزن وزیر وتی سیٹ ئِ سر ئَ الم کئیت، یک مزنیں آمید گس ئِ لگگی اِنت آئی ئِ تہئَ ھلاپ کنوک ھم گواہی دیاں کہ نواز شریف ئَ اِچبر کرپشن نہ کتگ
نوک گچین بوتگیں مزن وزیر شاہد خاقان عباسی ئِ قومی اسمبلی ئَ گشتانک
اسلام آباد ۔ یکم اگست (اے پی پی) نوک گچین بوتگیں مزن وزیر شاہد خاقان عباسی ئَ گوشت کہ ایوان ئِ دُرستاں چہ مستریں کار اِنت کہ آ آ وتی شرپ ئُُ اِزت ئَ برجا بہ دار ایت،اپوزیشن، اُرد، انٹیلی جنس ادارگ، راستی ئَ را مھکم داروک، کاروباری مردم ئَ ھوار توامیں ادارگ یکیں بوجیگ ئِ سواریں مردم اَنت، بوجیگ ٹُنگ بہ بیت گڈا دُرستیں مردم بُک اَنت، 45روچ ئِ واستہ اتکگ آں یا 45کلاک ئِ ھاترا، 45ماہ ئِ کار ئَ کن آں ئُُ رواں، آٹومیٹک وتاس آنی توامیں لائسنس واتر کنگ بہ بنت ئُُ مردم آنی زرّ ھم واتر کنگ بنت، ملک ئَ بالائیں وانگ ئُُ زانگ ئِ سک باز ضلورت اِنت، مڈی آنی وسیلگ ئَ جوانیں نادُراھ جاھ جوڑ کن آں، نواز شریف ئِ کراچی ئَ کتگیں سوگند ئَ را پیلو کن آں، ٹیکس ئِ دیگ اِچ آپریشن ئِ نہ اِت، بے نظیر انکم سپورٹ پروگرام ئِ ھد ئُُ ابیل آناں گیش مستر کن آں، ٹیکس نہ دیوک آناں گرپت کن آں، مزن وزیر نواز شریف اُلس ئِ مزن وزیر اِنت آئیئِ کسور ھمیش اِنت کہ آئی ئَ ملک ئَ را ایٹمی ملک ئِ جوڑ کتگ ئُُ زرّی ھساب ئَ ملک ئَ مھکم کتگ، ما سپریمک کورٹ ئِ پیسلہ ئَ را دل ئُُ جان ئِ گوما تسلیم کتگ، بلے پاکستان ئِ اُلس آں اے پیسلہ ئَ را رد کتگ، ھلاپ ئِ پارٹی ھم نواز شریف ئِ راستی ئِ گواہی ئَ دیاں، دل یکیم آں ککہ ملک ئِ راستیں مزن وتی سیٹ ئِ سر ئَ پد ئَ واتر الم کئیت، یک مزنیں آمید گس ئِ زوت لگگی اِنت ، ایشی ئِ تہئَ ھلاپ کنوک ھم آئیئِ راستی ئِ گواہی ئَ دیاں نواز شریف ئَ اِچبر کرپشن نہ کتگ۔ سئے شمبے ئَ قومی اسمبلی ئَ مزن وزیر ئِ گچین بوھگ ئَ پد وتی اولی گشتانک ئَ شاہد خاقان عباسی ئَ گوشت کہ ایوان ئِ سروک گچیتگیں جمہوری کار ئَ بھر زورگ ئِ پد ئَ توامیں باسک آنی شگر ئَ گر آں۔ اے جمہوری رپک اِت ایش کہ مرچی کنگ بوتگ۔ آئیئَ گوشت کہ وتی گل مسلم لیگ (ن) ئِ پارلیمانی پارٹی ئِ شگر ئَ گر آں کہ آئی ئَ منا اے مزنیں اُگد ئِ واستہ جوان پھم اِتگ۔ من توامیں ووٹ دیوک آنی ھم شگر ئَ گر اں بلے دُرستاں چہ پیسر مزن وزیر نواز شریف ئِ شگر ئَ گر آں کہ آئی ءَ اے اُگدہ ئِ واستہ منا نامینتگ، توامیں کمک کنوکیں پارٹی آنی ھم شگر ئَ گر آں کہ آواں منا ووٹ داتگ۔ پی ٹی آئی ئِ سروکی عمران خان ئُُ پارلیمانی سروک آنی شگر ئَ گر آں۔ آئی ئَ گوشت کہ چار روچ پیسر آدینگ ئِ روچ ئَ مزن شاہ آمید گس ئِ پیسلہ ات ما ایشرا دل ئُُ جان ئِ گوما من اِت ئُُ تسلیم کت۔ من عمران خان ئِ سک باز منت ئَ گر آں کہ آمن ئَ ھمروچ زاھ ئُُ بد دیاں۔ ما مزن شاہ آمید گس ئِ پیسلہ ئَ را من اِتگ ئُُ اُلس ئَ ایشرا رد کتگ، اِچ کانود بلد کار اے پیسلہ ئَ را منگ ئَ تیار نہ اِنت۔ مزن وزیر محمد نواز شریف ئَ مزن وزیر محمدنواز شریف ئَ مزن گس ئَ را یل دات۔ ھمے روچ ئَ پارلیمانی میٹنگ ئِ گوانک کت، اِچ ایم این اے اِچ جاھ ئَ نہ شُت ئُُ مے نیام ئَ کس ئَ کومپرت ئُُ کائی نہ کت۔ 200باسک ئِ پارلیمانی پارٹی ئَ اِچ کس مزن وزیر ئِ سیٹ ئِ اُمیت وار نہ اَت ھرکسی نام مزن وزیر نواز شریف ئَ گپت آ مرچی شمے دیم ئَ اوشتاتگ۔ آئیئَ گوشت کہ ھمک ایم این اے ئِ واھشت بوتگ کہ آ اے سیٹ ئَ سر بہ بیت بلے مسلم لیگ (ن) ئِ نیام ئَ اِچ کس ئَ نہ گوشتگ کہ آ کرسی ئَ سر بوھگ لوٹیت۔ شاہد خاقان عباسی ئَ گوشت کہ ما کوہی مردم آں، آئی ئَ چہ گیشتر کوکار کت کن آںبلے مئے ھیل کاری چو نہ بوتگ مئے پارٹی ئِ لیڈر ئِ گوشگ اِنت کہ زاھ ئُُ بد ئِ پسو ئَ نرم ئَ دیگ بہ بیت۔ چار روچ ئِ نیام ئَ جمہوری رپک وتی گام آں رھادگ بوت۔ کس نہ تتک ئُُ کس ئَ کومپرت ئُُ کارئی نہ کت۔ آئی ئَ گوشت کہ سید نوید قمر ئِ سک باز شگر ئَ گرں آ ھم اُمیت وار بوتگ اے الیکشن ئَ ما یکجا ھیل کاری زرتگ یکیں کمرہ ئَ ھم بوتگ آں بلے بُکگ جنوکیں پارٹی ئَ دو برات آناں میڈینت۔ انساپ ئِ لوٹ اے نہ اِنت کہ یک ھزار مردم ئِ ئَ بھتام بہ بیت ئُُ یک مردمے ئَ را ایوک ئَ سزا بہ بیت۔ آئی ئَ گوشت کہ یک آمید گس ئِ پد ءَ لگ ایت آ اے آمید گس ئَ چہ مستر اِنت۔ آھودا جے آئی ٹی نہ بیت ئُُ ما گواہ باں کہ نواز شریف ئِ سر ئَ کرپشن ئِ اِچ بُھتام نیست۔ ملتان ئِ ایم این اے گواہ ی ئَ دیاں کہ نواز شریف ساپ ئُُ سلئہ اِنت۔ راولپنڈی ئِ ایم این اے کہ نواز شریف ئِ کابینہ ئِ وزیر بوتگ آ ھم ، اے این پی، جماعت اسلامی، ایم کیو ایم ئِ باسک ھم گواہی دیاں کہ نواز شریف ئَ بِھ کرپشن نہ کتگ۔ ما سی سال آںچہ آئی ئِ گوما آں۔ نوز شریف ئَ بِھ کرپشن نہ کتگ۔ وھد ئُُ موہ ئِ سر ئَ نپ چست کنوک 26ووٹ گران ئَ نشتگ آں۔ آئیئَ گوشت کہ نواز شریف ئِ کسور ھمیش بوتگ کہ آئیئَ ملک ئَ را ایٹمی ملک جوڑ کتگ۔ آئیءِ کسور ھمیش اِنت کہ آئیئَ 10ہزار میگا واٹ توان سسٹم ئَ ھوار کتگ۔ ایل این جی درآمد کتگ۔ انڈسٹری ئَ را ایل این جی ئِ وسیلگ ئَ چلائینتگ۔ آئیئَ گوشت کہ نواز شریف 60ارب ڈالر ئِ سرمایہ کاری ملک ئَ آورتگ، مئے پنچ سد درسد نمبگ ئَ سر بوتگ۔ آئی ئَ گوشت کہ آئی ئَ را اے سیٹ ئِ زمہ واری آنی شر سرپدی است اِنت، اے سیٹ ئِ سر ئَ لیاقت علی خان، ذولفقار علی بھٹو، بے نظیر بھٹو، محمد خان جونیجو ئُُ ظفر اللہ جمالی ھم بوتگ انت، ئُُ مزن وزیر مرچی ھم ساڑی اِنت۔ زمہ واری ئَ من شر سرپد آں، من سی 30سال ئَ سیاست کتگ، 30سال پیسر منی مڈی انگت گیشتر بوتگ آں۔ منی ھمروچگیں زند مرچی ئَ چہ گہتر بوتگ۔ آئی ئَ گوشت کہ سیکورٹی ئِ پجاری ھمک حکومت ئِ ترجی اِنت۔ درست یکجاھ بوتگ آں ئُُ اے جیڈھ ئِ گیواری کتگ۔ دگنیا ئِ تہئَ اِچ ملک نیست کہ اُلس ئَ را آٹو میٹک وتاس آناں لائسنس بہ دنت ، مردم آناں سلاھ بندیں مردم گون اَنت ئُُ گاڑی ئِ چلائینگ ئَ آں۔ سلاھ بندیں مردم اسمبلی ئِ مردم آناں ھمبراہ، آئی ئَ گوشت کہ اگاں کابینہ اجازت بہ دنت گڈا اے رنگ ئِ مردم آنی ھلاپ ئَ کاروائی کناں۔ آٹو میٹک وتاس ئِ زوروکیں مردم آنی لائسنس رد ئُُ ایشانی زرّ واپس کنگ بہ بنت۔ یکم نومبر ئَ تاں سرجمیں ملک ءَ لوڈشیڈنگ ئِ ھلاسی بیت، اے شوبگ ئِ تہ ئَ سرمایہ کاری بوھگ ئَ اِنت، موٹرویز ئُُ ریلویز ئِ جوانیں نظام برجا کناں، نواز شریف ئِ کراچی ئَ داتگیں پیکیج ئِ سوگند ئَ پیلو کناں، ٹیکس دیگ یک آپریشن ئِ نہ اِت، بلکینگ ئَ اِیش کانودی لوٹ اِت، ٹیکس نہ دیوک آنی رند ئَ کپ آں، اُلس ئِ مزن وزیر نواز شریف اِنت، آئی ئِ کسور ھمیش اِنت کہ آئی ئَ ملک ئَ را ایٹمی ملک ئِ جوڑ کتگئُُ زرّ ئِ ھساب ئَ گیش مھکم کتگ، ما مزن شاہ آمید گس ئِ پیسلہ ئَ را دل ئُُ جان ئِ گوما من اِتگ، بلے پاکستان ئِ اُلس ئَ ایشرا رد کتگ، ھلاپ کنوک ھم گواہی داتگ کہ نواز شریف ئَ اِچبر کرپشن نہ کتگ، آئی ئَ گوشت کہ ایوان ئِ گچین بوھگ کمک ئِ پد ئَ متحدہ قومی مومنٹ، فاٹا ئِ باسک ، جے یو ٓئی (ف)، پختونخوا ملی عوامی پارٹی، مولانا فضل الرحمان‘ اعجاز الحق‘ غلام مرتضیٰ جتوئی اور پیر صدر الدین شاہ ئِ شگر ئُُ منت وار آں۔ آئی ئَ گوشت کہ حکومت ئُُ بُکگگ جنوک آناں یکجاھ بوھگ ئُُ کانود ئَ را مھکم دارگی اِنت تانکہ مردم آنی یکیم برجا بہ بیت کہ ملک ئَ جمہوریت اِنت۔ آئیئَ گوشت کہ آئی ئَ را یکیم اِنت کہ ملک ئِ راستیں مزن وزیر وتی سیٹ ئِ سر ئَ الم کئیت۔
