شاہد خاقان عباسی ئِ وزیراعظم جوڑ کننگ نا فیصلہ جوان ئُ گام اسے، نواز شریف بلوچستان نا شونداری و شونہالی کن پبی کڑد ادا کرے
اسلام آباد۔ 01اگست (اے پی پی) نیشنل پارٹی بلوچستان نا سروک میر حاصل خان بزنجو پارینے کہ شاہد خاقان عباسی ئِ وزیراعظم جوڑ کننگ نا فیصلہ جوان ئُ گام اسے۔ نواز شریف قومی راہشون نا وڑاٹ بلوچستان نا شونداری و شونہالی کن پبی کڑدادا کرے، تینا پارٹی نا فیصلہ نا رداٹ شاہد خاقان عباسی نا پورو مخ تفی ئِ کینہ۔ اوسے شنبے نا دے پارلیمنٹ ہاﺅس نا پیشن میڈیا تون ہیت وگپ کرسا داخیال آتا درشانی ئِ کرے۔ حاصل بزنجو پارے کہ مسلم لیگ (ن) شاہد خاقان عباسی ئِ وزارت عظمیٰ کن تینا اومیت دار پندار کرے ، نن اونا سیوتی اُن ہرااومیت دار ئِ پندار کے نن بلاشرکت غیرے اونا مخ تفی ئِ کینہ۔ اواسہ سوج اسے نا ورندی ٹی پارے کہ شہباز شریف بروک آ وزیراعظم جوڑ مریک یا آخا دانا فیصلہ ئِ اونا جماعت کیک۔
