مچ آ کشمیر ئِ پاکستان و مچ آ پاکستان ئِ کشمیر سمجھیوہ ، آزاد کشمیر نا الس نا مون آ تینا مقدمہ ئِ پیش کیوہ
اسلام آباد۔ 31 جولائی (اے پی پی) وزیراعظم آزاد کشمیر راجہ فاروق حیدر خان پارینے کہ مچ آ کشمیر ئِ پاکستان و مچ آ پاکستان ئِ کشمیر سمجھیوہ ، آزاد کشمیر نا الس نا مون آ تینا مقدمہئِ پیش کیوہ، کنا بابت شینک کروک آ خبر ئِ جاری کروک آ ادارہ بشخنداری کرینے، کنا بیان ئِ پین اسے پس منظر اسے ٹی ہلنگا۔ کنا پاکستان قائد اعظم نا پاکستان ئِ، ای عمران خان نا پوسکن آ پاکستان ئِ امنا کپرہ، تینا و کشمیری تا توہین ئِ سگنگ کپرہ۔ عمران خان و شیخ رشید نا تینا برخلاف توہین آمیز تقریرآتا مذمت ئِ کیوہ۔ دوشنبے نادے کشمیر ہاﺅس اٹی آزاد حکومت نا وزیر آتون اوار پریس کانفرنس آن تران کرسا راجہ فاروق حیدر خان پارے کہ نابودی نا بابت عدالتی فیصلہ غا پورو عملدرآمد مسنے۔ فیصلہ ئِ امنا کننگ نا بابت کنا بیان ئِ سیاق و سباق آن اسہ پلوپیش کننگا۔ ای قائد اعظم نا پاکستان تون الحاق نا ہیت ئِ کریسٹ، کنا پاکستان قائد اعظم نا پاکستان ئِ۔ عمران خان کنا بابت انتس کہ پارے اوفتا مذمت ئِ کیوہ ۔ اوسوج کرے کہ سراج الحق دا شرعی ویل انا ایسری اس پائِ کہ عمران خان ہراحیثیت اٹ لندن آ ہنسا تینا مسکوہی آ زائیفہ نا اُراٹی رہینگک۔عمران خان جوہا گوازی کننگ نا تینٹ اعتراف ئِ کرینے۔پیپلزپارٹی نا کنڈآن استیفہ نا خواست انا بارواٹ سوج انا ورندی ٹی او پارے کہ پیپلزپارٹی واردات شاغنگ نا ماہر ئِ۔ وزیراعظم آزاد کشمیر پارے کہ کنا ہچ ئُ آف شور کمپنی یا پیشن نا ملک اٹی جائیداد اف۔ عمران خان کنا بارواٹ نازیبالوز استعمال کرے۔ اوپارے کہ پاناما اسہ سیاسی ئُ معاملہ اس ئس۔ نوازشریف پاکستان تون کشمیر نا رشتہ ئِ سوگو کرینے۔
