اسلام آباد۔ 31جولائی (اے پی پی) مسلم لیگ (ن) نا کنڈآن وزارت عظمیٰ کن پندار اومیت دار شاہد خاقان عباسی پارینے کہ سرسہبی کن پراومیت اُٹ، نواز شریف نا قوم اتون کروک آ وعدہ غاتے پورو کینہ، شیخ رشید ریفرنس دائر کننگ نا تینا شونق ئِ پورو کے۔ دوشنبے نا دے پندارکاغد جمع کرفنگ کن پارلیمنٹ ہاﺅس آ بننگ نا وخت آ میڈیا نا نمائندہ غاتون غیر رسمی ہیت وگپ کرسا اوپارے کہ سرسہبی کن پراومیت اُٹ۔ انشاءاللہ (ن)لیگ بھلو گیشتری اس دوئی کیک۔ اوپارے کہ تینا قائد محمد نواز شریف نا وژن نا رداٹ تینا شونداری نا کسر ئِ برجاتخوہ۔ کابینہ نا فیصلہ ئِ پارٹی کیک۔ نواز شریف نا قوم اتون کروک آ وعدہ غاتے پورو کینہ۔ اوپارے کہ شیخ رشید ریفرنس دائر کننگ نا شونق ئِ پورو کے، ای و او اسہ ہی شار اسے ٹی رہینگنہ و اسہ ایلو ئِ جوان وڑاٹ درست کینہ۔
