مسلم لیگ (ن) نا پندار اومیت دار شاہد خاقان عباسی وزارت عظمیٰ کن پندار کاغد آتے جمع کرفے، تائید کروک و تجویز کروک آتیٹی قیصر احمد شیخ، زاہد حامد، اعجاز الحق، شیخ آفتاب احمد، عبدالقادر بلوچ، سائرہ افضل تارڑ، سردار محمد یوسف، جنید انوار چوہدری ارشدلغاری اوار

اسلام آباد۔ 31جولائی (اے پی پی) مسلم لیگ (ن) نا کنڈآن وزارت عظمیٰ کن پنداراومیت دار شاہد خاقان عباسی پندارکاغد آتے جمع کرفے۔ دوشنبے نا دے قومی اسمبلی سیکرٹریٹ اٹی سیکرٹری قومی اسمبلی جواد رفیق ملک تون تینا تائید و تجویز کروک آتون اوار شاہدخاقان عباسی پندارکاغد آتے جمع کرفے۔ اونا تائید کروک و تجویز کروک آتیٹی قیصر احمد شیخ، زاہد حامد، اعجاز الحق، شیخ آفتاب احمد، عبدالقادر بلوچ، سائرہ افضل تارڑ ، سردار محمد یوسف، جنید انوار چوہدری، ارشدلغاری ہم ساڑی ئسر۔ داوخت آ ذرائع ابلاغ نا نمائندہ غاتون ہیت کرسا مسلم لیگ (ن) نا پندار اومیت دار وزارت عظمیٰ شاہد خاقان عباسی ذرائع ابلاغ تون ہیت وگپ کرسا پارے کہ مسلم لیگ (ن) سیوتی جماعت آتون رابطہ کرینے۔ اومیت ئِ کہ اللہ تعالیٰ اودے بھلو گیشتری اسے اٹ سرسہبی عطاءکیک۔ ننے تینا سرسہبی آ یخین ئِ ، ہنداخاطران نن کورنگ کینیڈیٹ نا وڑاٹ پین اسٹ نا پندارکاغد آتے داخل کرفتون۔ اسہ سوج اسے نا ورندی ٹی اوپارے کہ تدوک آ جمعہ آ 12بجہ اسکان مسلم لیگ (ن) نا حکومت نا ہراپالیسیک ئسر او برجاسلرہ و ملک انا شونداری ، شونہالی و سلامتی ننا اولیت مریک۔ اسہ پین سوج اسے نا ورندی ٹی کابینہ نا فیصلہ ئِ مسلم لیگ (ن) نا جماعت کیک۔ پاکستان نا سلامتی ئِ لاحق گڑتی تا بابت اسہ سوج اسے نا ورندی ٹی اوپارے کہ نن ہمیشہ پاکستان نا دشمن تا ڈٹ کر مقابلہ ئِ کرینن و پین وخت اس ہم کینہ۔