، شاہد خاقان عباسی مسلم لیگ (ن) نا اومیت دار پن
اسلام آباد۔ 31جولائی (اے پی پی) پاکستان نا 22می وزیراعظم نا گچین کاری (پگہ) مریک، مسلم لیگ (ن) نا کنڈآن شاہد خاقان عباسی ئِ وزارت عظمیٰ نا اومیت دار پندارکننگانے وخت اس کہ تحریک انصاف شیخ رشید احمد ئِ اومیت دار پندار کرینے۔ لیاقت علی خان ملک انا اولیکو وزیراعظم ئس ہرا اگست 1948ءآن ستمبر 1952ءاسکان وزارت عظمیٰ نا منصب آ سلیس۔ ملک فیروزخان نون دسمبر 1957ءآن اکتوبر 1958ءاسکان ارٹ میکو وزیراعظم سلیس، نوالامین 1971ءٹی 13دے وزیراعظم سلیس، ذوالفقار علی بھٹو پاکستان نا چارمیکو وزیراعظم سلیس او اگست 1973ءآن جولائی 1977 ءاسکان وزارت عظمیٰ غا فائز سلیس ، محمد خان جونیجو مارچ 1985ءآن مئی 1988 ءاسکان وزیراعظم سلیس، بے نظیر بھٹو دسمبر 1988ءآن اگست 1990 ءاسکان وزیراعظم سلیس، محمد نواز شریف نومبر 1990 ءآن اپریل 1994 ءاسکان اولیکو وار وزیراعظم جوڑ مس او ملک انا ہفت می گچین مروک وزیراعظم ئس ، او مئی 1993ءآن جولائی 1993ءاسکان ہم وزیراعظم سلیس، اوڑآن پد بے نظیر بھٹو ارٹ میکووار اکتوبر 1993ءآن نومبر 1996ءاسکان وزیراعظم سلیس، نواز شریف فروری 1997ءآن اکتوبر 1999 ءاسکان وزارت عظمیٰ منصب آ فائز سلیس ، اوڑآن پد نومبر 2002ءآن جون 2004ءاسکان میر ظفراللہ خان جمالی، جون 2004ءآن اگست 2004ءاسکان و شوکت عزیز اگست 2004ءآن نومبر 2007 ءاسکان وزیراعظم سلیس، یوسف رضاگیلانی مارچ 2008 ءآن اپریل 2012 ءاسکان وزیراعظم سلیس اودے سپریم کورٹ جون 2012 ءٹی نابود گوندا، پرویز اشرف جون 2012 ءآن مارچ 2013ءاسکان وزیراعظم سلیس۔ محمد نواز شریف 5جون 2013ءآ ملک انا 21می وزیراعظم گچین مس ہرادے سپریم کورٹ 28جولائی 2017ءآ نابود گوندا۔ اوکان پد داسہ (پگہ) ملک انا 22می وزیراعظم نا گچین کاری ئِ کننگک۔ مسلم لیگ (ن) نا پندار اومیت دار شاہد خاقان عباسی نا پوسکن آ وزیراعظم جوڑ مننگ نا گمان ئِ۔ داکان بیدس ملک اٹی 6نگران وزیراعظم ہم مسنے اوفتے ٹی غلام مصطفی جتوئی، میر بلخ شیرمزاری، معین قریشی، میاں معراج خالد، محمد میاں سومرو، میر ہزارخان بجارانی اوار ئُ ۔
