مزن گس ئِ باسکانی نوکیں ٹیکس ڈائریکٹری جاری
انوگیں حکومت ئِ دورئَ ٹیکس دست گرگئِ تہا 73درسد گیشی ریکارڈ
ھزانگئِ بنجاھی وزیر سینیٹر اسحاق ڈار ئَ ایف بی آر ہیڈ ہیڈ کواٹرزئَ مراگشئِ بنگیج کت
اسلام آباد۔27جولائی(اے پی پی) مزن گسئِ باسکانی نوکیں ٹیکس ڈائریکٹری جاری کنگ بوتگ۔ ٹیکس ڈائریکٹری ئِ مراگشئِ بُنگیج پنچ شمبے ئِ روچئَ ایف بی آر ہیڈ کواٹرز اسلام آبادئَ بوتگ۔ ھزانگئِ بنجاھی وزیر سینیٹر اسحاق ڈار ئَ ٹیکس ڈائریکٹری ئِ بنگیج کتگ۔ پاکستان مسلم لیگ ن ئِ حکومت ئِ نیمگئَ چہ یکوئی ئَ چارمی سال مزن گسی باسکانی ٹیکس ڈائریکٹری ئِ بُنگیج کنگ بوتگ۔ ٹیکس ڈائریکٹری ئِ تہا 1010مزن گسی باسکانی ٹیکسانی ھوالگئَ معلوم داری ھوار اَنت کہ ایف بی آر ئِ تنج ئِ سرئَ است اَنت۔ گوستگیں سال 996باسکانی ٹیکس معلومداری ڈائریکٹری ئِ تہاشنگ کنگ بوتگ۔ ایشی ئَ ابید دگہ باسکانی ٹیکس ڈائریکٹری شنگ کتگ۔ اے موھئَ ھال دیئگ بوتگ کہ انوگیں حکومت ئِ گوستگیں چارسالانی تہا ٹیکس دست گرگ ئِ تہا 73درسد گیشی ریکارڈ کنگ بوتگ۔ ٹیکس ڈائریکٹری ئِ بُنگیجی مراگش ئَ مزن وزیر ریونیو ئِ ھاسیں کمک کار ہارون اختر خان ، چیئرمین ایف بی آر ءُ دگہ حکام ھم ھوار بوتگ اَنت ۔
