اسلام آباد۔27جولائی ( اے پی پی) مزن وزیر محمد نواز شریف مالدیپ ئِ سرکاری دو روچی ترءُ تابئَ را سرجم کنگئَ پد پنچ شمبے ئِ روچئَ وطن ئَ واتر سر بوتگ۔ ایشی ءَ پیسر مالے ئِ ویلانا میاں اوستمانی بالی پڑئَ مالدیپ ئِ صدر عبداللہ یامین عبدالقیوم ءُآئی ئِ کابینہ ئِ باسکاں مزن وزیر ئَ را راھ داتگ، آئی ئَ اے ترءُ تاب ئِ عکسانی لڑ ھم دیئگ بوتگ۔ مزن وزیر ئَ را مالدیپ ئِ 52می آجوئی ئِ روچ ئِ مراگش ئَ ھاسیں ممان ئِ ارزشتئَ ھوار بوھگئِ ھاترئَ اے ترءُ تاب ئِ صلہ مالدیپ ئِ صدر عبداللہ یامین عبدالقیوم ئَ داتگ بوتگ۔ مزن وزیر ئَ آجوئی ئِ روچئِ مراگشاں ھوار بوھگئَ ابید مالدیپ ئِ صدر ئَ گوں سولءُ تران ھم کتگ۔اے موھئِ سرئَ دوھیں ملک آنی درنیامئَ بیپاری، سیل ءُ سواد ، ماحولیاتی مٹءُ بدلی، وانگءُ زانگ ئَ ھوار دگہ بازیں پڑآنی کمک کنگئِ یات گیریانی سرئَ دستخط ھم کنگ بوتگ اَنت۔ مزن وزیر ئِ ترءُ تاب ئِ گڈی ئِ یک جائی اعلامیہ ھم جاری کنگ بوتگ۔
