پاکستان ئُُ مالدیپ ئِ یکجائی جار ئَ دو نیمگی کمک ءاُلسی پڑ ئَ رابطہ آناں گیش مھکم کنگ ئِ جزم ئِ درشان، مسلمانی آنی یکوئی، میاں اوستمانی پڑ ئَ اسلام ئِ راستیں لکا آرا دیمروئی دیگ ئِ ئَ تپاک، مالدیپ ئِ اسلام آباد ئَ سارک سروک دیوان ئِ میزبانی ئِ ھاترا پاکستان ئِ ھمبراھ داری ئُُ ناشرکاری ئِ ھلاپ ئَ اِچ چک ئُ پد نہ جنگ ئِ جزم
اسلام آباد ۔ 27 جولائی (اے پی پی) پاکستان ئُُ مالدیپ ئَ دو نیمگی کمک ئُُ اُلسی پڑ ئَ رابطہ آناں گیش مھکم کنگ ئِ جزم ئِ درشان ئَ کنان ئَ مسلمان آنی یکوئی ئُُ میاں اوستمانی پڑ ئَ اسلام ئِ راستیں لکا ئَ را دیمروئی دیگ ئِ سر ئَ تپاک کت وھدیکہ مالدیپ ئِ صدر عبداللہ یامین عبدالقیوم ئَ اسلام ااباد ئَ سارک سروک دیوان ئِ میزبانی ئِ ھاترا پاکستان ئِ کمک کنگ ئِ جزم کت۔ اے دل یکیمی ئِ درشان مزن وزیر محمد نواز شریف ئِ سئے روچی مالدیپ ئِ تر ئُُ تاب ئِ ھلاسی ئَ اسلام آباد ئُُ مالے ئَ چہ یکیں وھد ئَ جاڑی کتگیں یکجائی جار ئِ شنگ ئُُ تالانی کنگ بوت۔ درئی کارانی کارگگس ئَ پنچ شمبے ئِ روچ ئَ جاڑیگ ایں جار ئِ رد ئَ مالدیپ ئِ صدر عبداللہ یامین عبدالقیوم ئِ داتگیں دعوت ئِ پد ئَ 25 ئَ چہ 27جولائی ئَ تاں مالدیپ ئِ تر ئُُ تاب کتگ مزن وزیر ئَ مالدیپ ئِ 52پنجاھ ئُُ دومی آزاتی ئِ مراگش ئَ ھاسیں مہمان ئِ بستار ئَ بھر زوری کنت ئُُ مالدیپ ئِ اُلس ئُُ حکومت آئی ئِ آزاتی ئِ موہ ئَ مبارکی دنت۔ دمگی کمک ئِ رد ئَ مزن وزیر محمد نواز شریف ئُُ صدر عبداللہ یامین ئَ وت مہ وتی ارزشت ئِ کار آنی درگت ئَ میاں اوستمانی فورم آنی تہئَ دوئیں ملک آنی نیام ئَ نزیکیں کمک ئُُ دست کوپگی ئَ را نوٹ کت۔ دوئیں رھشون آں ھوار زرباری ایشائی گل برائے دمگی کمک (سارک) ئِ وسیلگ ئَ زرباری ایشیا ئِ ملک آنی نیام ئَ دست کوپگی ئَ را گیش دیمروی ئِ سر ئَ تپاک کت۔ اے رد ئَ صدر عبداللہ یامین ئَ اسلام آباد ئَ سارک سمٹ ئِ میزبانی ئِ ھاترا مالدیپ ئِ کمک ئِ جزم کت۔ جار ئِ رد ئَ مالدیپ ئُُ پاکستان ئِ نیام ئَ وت مہ وتی یکوئی ئُُ راج دوستی ئُُ راجدپتر ئُُ نزیکیں سیادی ئِ ریشگ شائیگان اَنت۔ تر ئُُ تاب ئِ ساھت ئَ مزن وزیر محمد نواز شریف ئَ صدر عبداللہ یامین ئِ گوما سول ئُُ تران ئُُ دو نیمگی کمک ئُُ السی پڑ ئَ رابطہ ئَ را گیش مھکم کنگ ئِ رپک ئِ سر ئَ ھیال ریچی کت۔ دوئیں رھشون آں دمگی ئُُ میاں اوستمانی ئُُ فورم آنی تہ ئَ کمک ئَ را گیش ودینگ ئِ رپک آنی سر ئَ گپ ئُُ تران کت۔ تر ئُُ تاب ئِ ساھت ئَ بازیں ایم او یوز/منوگری آںی سر ئَ دست چنگل جنگ بیت ایشانی مول ئُُ مراد سیل ئُُ سواد، موسم ئِ مٹ ئُُ بدلی، تجارت، وانگ ئُُ زانگ ئُُُ سول سروس ئُُ سفارتکار ی پڑ ئَ را گیش شائیگان کنگ ئِ شوبگ ئَ کمک ئَ را دیمروئی دیگ اِنت۔ ایشی ئَ ابید پاکستان ئُُ مالدیپ ئِ نیام ئَ منوگر بوتگیں ایم او یوز ئِ وڑ ئُُ پیم کنگ ئُُ بگرانی ئِ ھاترا یکجائی ورکنگ کمیٹی ھم شنگ ئُُ تالان کنگ بوت۔ دوئیں رھشون آں اے گپ ئَ را سہرا کت کہ پاکستان ئُُ مالدیپ ئِ نیام ئَ یکوئی دوستی، وت مہ وتی شرپ ئُُ یکجائی نپ ئُُ سیت ئَ گوں بندوک اَنت۔ مزن وزیر محمد نواز شریف ئِ تر ئُُ تاب دوئیں ملک آنی نیام ئَ دو نیمگی یکوئی ئَ را گیش مھکم کنگ ئَ کمک رسیت۔ صدر عبداللہ یامین ئَ مالدیپ ئِ دیمروئی ئَ پاکستان ئِ دمپہ ساھتیں سرمایہ کاری ئِ سر ئَ مزن وزیر محمد نواز شریف ئِ شگر ئُُ منت گپت ئُُ سرمایہ کار آناں موہ ئِ تہئَ گیش نپ چست کنگ ئِ دعوت دات۔ آئی ئَ درملکی سرمایہ کاری ئِ رکھینگ ئِ دل یکیمی دیان ئَ سرمایہ کاری ئِ ھاترا جوانیں جاور ئُُ گامگیج ئِ واستہ حکومت ئِ گامگیج آناں سہرا کت۔ مزن وزیر محمد نواز شریف ئَ پاکستان ئِ اقتصادی دیمروئی ئَ سہرا کنان ئَ پاکستان ئَ در ملکی سرمایہ کاری ئِ رکھینگ ئُُ سرمایہ کاری ئِ سر ئَ دل یکیمی ئَ را گیشی ئِ ھاترا وتی حکومت ئِ پالیشی آناں سہرا کت۔ دوئیں ملک آنی نیام ئَ تجارتی یکوئی ئَ را گیش دیمروئی دیگ ئِ ھاترا صدر عبداللہ یامین ئُُ مزن وزیر محمد نواز شریف ئَ دوئیں ملک آنی نیام ئَ گیش تچک ئَ تچک بالی رابطہ ئِ برجائی ئَ چہ مواصلاتی رابطہ ئَ را ودینگ ئِ ارزشت ئَ را سہرا کتگ۔ یکجائی جار ئِ رد ئَ نزیکیں ھمروچگیں دود ئُُ ربیدگی یکوئی ئُُ دوئیں ملک آنی جتا جتائیں سیل ئُُ سوادی صنعت آنی رد ئَ صدر ئِ عبداللہ یامین ئَ سیل ئُُ سواد ئِ شوبگ ئَ کمک ئَ را گیش کنگ ئِ ارزشت ئَ ئَ سہرا کت ئُُ مہمان داری ئِ صنعت ئِ شوبگ ئِ رد ئَ ازمکاری ئَ چہ وت مہ وتی نپ ئُُ سیت ئِ سر ئَ زور پر دات۔ مالدیپ ئِ حکومت ئَ یوتتھ ڈویلپمنٹ ئِ شوبگ ئِ بابت ءَ صدر عبداللہ یامین ئَ مالدیپ ئَ یوتھ ڈویلپمنٹ پروگرام ئِ دیمروئی ئَ پاکستان ئِ کمکاری ئَ را وش اتک کت۔ دوئیں رھشون آں بازیں شوبگ آنی تہ ئَ یکوئیئِ ھاترا یوتھ ایکسچینج پروگرام آنی سر ئَ تپاک کت۔دیمپانی کمک ئِ شوبگ ئَ صدر عبداللہ یامین ئَ مالدیپ نیشنل ڈیفنس فورسز ئِ کارندہ آنی ھیل کاری ئَ پاکستان ئَ گوں دمپہ ساھت کمکاری ئَ را ساڑات۔ صدر عبداللہ یامین ئَ وانگ ئُُ زانگ ئِ شوبگ ئَ مالدیپ ئِ دیمروئی ئِ ھاترا پاکستان ئِ نیمگ ئَ کمک ئُُ کرد ئَ را ساڑات۔ مزن وزیر محمد نواز شریف ئَ مالدیپ ئِ دیمروئی ئِ ھاترا پاکستان ئِ جزم ئِ ساڑا کنان ئَ مالدیپ ئِ اُلس ئِ ھاترا پاکستان ئِ اُلس ئِ نیمگ ئَ ٹیکی ئِ رنگ ئَ 50لکھ ڈالر ئِ ھاسیں گرانٹ ئِ ھم جار جت۔ آئی ئَ پاکستان ئِ وانگ ئُُ زانگی ادارگ ئَ مالدیپ ئِ نودربر آنی واستہ میڈیسن، انجینئرنگ ، فارمیسی ئُُ ڈینٹیسٹری ئِ شوبگ ئَ 5گیشیں وظیفہ ئِ ھم جار جت۔ دیمروئی ئِ ھاترا موسمی مٹ ئُُ بدلی ئِ یک مزنیں ترس ئُُ بیم ئِ پھمان ئَ دوئیں سروک آں موسمی مٹ ئُُ بدلی ئِ جاور ئُُ جیڈھ آنی ھاترا یکجاھ بوھگ ئُُ کار کنگ ئِ سر ئَ تپاک کت۔ مزن وزیر محمد نواز شریف ئَ اے شوبگ ھاسیں رنگ ئَ زرناپ آنی ریاست آنی یکجائی (اے او ایس آئی ایس) ئِ صدر ئِ بستار ئَ مالدیپ ئِ دمپہ ساھت ئِ کرد ئَ را مبارکی دات۔ ناشرکاری ئُُ جنگ ئُُ چوپی ئِ شوبگ ئَ دوئیں سروک آں ھمک رنگ ئِ ناشرکاری ئِ ھلاپ ئَ یک چیک ئَ رد گوشگ ئِ جزم کت۔ صدر عبداللہ یامین ئَ ناشرکاری ئُُ جنگ ئُُ چوپ ئُُ ایشی ئِ گر ئُُ دار ئِ واستہ پاکستان ئِ کوشست آناں ساڑات ئُُ اے پڑ ئَ وت مہ وتی کمک ئِ ارزشت ئَ سہرا کت۔ مزن وزیر محمد نواز شریف ئَ مالدیپ ئَ صدر ئَ را پاک چین اقتصادی راہداری ئِ بابت ئَ سرپد کت ایشی ئِ مول ئُُ مراد یکوئی ئُُ سوداگری دیمروئی ئَ را شائیگان ئُُ جنزینگ اِنت۔
