اسلام آباد۔ 27جولائی (اے پی پی) وزیراعظم محمد نواز شریف مالدیپ نا سرکاری دورہ ئِ پورو کننگ آن پد پنچ شنبے نا دے وطن آ پدی سرمس۔ داکان مست مالے نا ویلانا انٹرنیشنل بالی پٹ آن مالدیپ نا صدر عبداللہ یامین عبدالقیوم و اونا کابینہ نا باسک آک وزیراعظم ئِ رخصت کریر۔ اودے دورہ نا عکس آتیا مبنی البم اس ہم پیش کننگا۔ وزیراعظم ئِ مالدیپ نا 52می آجوئی دے انا دود آتیٹی بحیثیت مہمان خاص شرکت کن دادورہ نا سلہ ئِ مالدیپ نا صدر عبداللہ یامین عبدالقیوم خلکوسس۔ وزیراعظم آجوئی دے انا دود آتیٹی شرکت آن بیدس مالدیپ نا صدر تون باضابطہ مذاکرات ہم کرے۔ داوخت آ ہڑتوم آ ملک آتا نیام اٹ واپار، سیل و سوات، چاگڑدی بدلی، تعلیم تون اوار چندی بشخ آتیٹی کمکاری نا کیہی یات داشت آتیا دستخط ہم کننگا۔ وزیراعظم نا دورہ نا ایسری آ اسیجائی پڑو اس ہم جاری کننگا۔
