مالے ۔ 27 جولائی (اے پی پی) مزن وزیر محمد نواز شریف مالدیپ ئِ سئے روچی سرکاری تر ئُُ تاب ئِ سرجم کنگ ئَ پد پنچ شمبے ئِ روچ ئَ وطن ئَ واتر بوت۔ مالے ئِ ویلانا انٹرنیشنل ائیرپورٹ ئِ سر ئَ مالددیپ ئِ صر عبدالل یامین عبالقیوم، اولی زال ئُُ کابینہ ئِ باسک آں مزن وزیر ئَ را برو پہ ھیر کُت، آئی ئَ را تر ئُُ تاب ئِ اکس آنی اکس بندی کتاب دات۔ تر ئُُ تاب ئِ ساھت ئَ اولی زال کلثوم نواز، مزن وزیر ئِ مشیر پہ درئی کار سرتاج عزیر ئُُ ٹوھیں کارندہ ھم مزن وزیر ئِ ھمبراھ اتنت۔ مزن وزیر ئَ مالدیپ ئِ 52پنجاھ ئُُ دومی آجوئیئِ روچ ئِ مراگش ئَ ھاسیں مہمان ئِ بستار ئَ بر زوری کُت اے تر ئُُ تاب ئِ ساھت ئَ مالدیپ ئِ صدر عبداللہ یامین عبدالقیوم ئَ داتگ۔ مزن وزیر ئَ آجوئی ئِ روچ ئِ مراگش ئَ بھر زوری ئَ ابید مالدیپ ئَ صدر ئَ گوں سول ئُُ تران ھم کت۔ اے موہ ئِ تہئَ دوئیں ملک آنی نیام ئَ تجارت، سیل ئُُ سواد، موسم ئِ مٹ ئُُ بدلی، وانگ ئُُ زانگ ئِ شوبگ ئَ ئَ ھوار بازیں شوبگ آنی تہ ئَ کمک ئِ بازیں یاتگیری آنی سر ئَ دست چنگل ھم جنگ بوت۔ مزن وزیر ئِ تر ئُُ تاب ئِ ھلاسی ئَ یکجائی جار ئِ ھم جاڑی کنگ بوت۔
