اسلام آباد ۔ 27 جولائی (اے پی پی) پاکستان وژن 2025ئِ رد ئَ ورنا آناں وانگ ئُُ زانگ ئِ آشوب ئِ وسیلگ ئَ جوانیں باندات ئِ نزیک کنگ بُنجاھی حکومت ئِ اولی مشن اِنت، استیں حکومت ھندی پڑ ئَ ٹوھیں وانگ ئُُ زانگ ئِ ادارگگ آنی یک نیٹ ورک ئِ برجا کنان ئَ اُلسہ تک ئَ آسراتی آنی تہئَ گیشی آرگ بوھگ ئَ اِنت۔ وژن 2025 ئَ وانگ ئُُ زانگی دیمروئی اولی بستار دیگ بوتگ ئُُ پاکستان ئِ توامیں ضلع آنی پڑ ءَ سب کیمپس ئِ برجائی دمگی دیمروئی ئِ تک ئَ جوانیں گام اِت۔ سرجمیں ملک ئَ وانگ ئِ شوبگ ئَ را گہتر کنگ ئِ ھاترا مالی سال ئِ پی ایس ڈی پی ئِ رد ئَ ہائر ایجوکیشن کمشن ئِ واستہ 35ارب کروڑ کلدار وھدیکہ پرائم منسٹر یوتھ ئُُ کزبی پروگرام آنی چیر دستی ئَ 20ارب کلدار ئِ بجٹ گیشینگ بوتگ۔ پنچ شمبے ئِ روچ ئَ پلاننگ کمیشن ئِ کارندہ آں اے پی پی ئَ را ھال دات کہ کجام ھم ملک ئِ دیمروئی زانت ئُُ زنتکاری ئَ گوں بندوک اِنت ، بلے وانگ ئُ زانگ ئَ ابید دیمروئی بوت نہ کنت۔ آئی ئَ گوشت کہ حکومت راجی مڈی آناں اُلس ئِ گہبود ئُُ ملکی دیمروئی ئِ ھاترا کارمرد کنگ ئِ واستہ راستیں ئُُ پکوئیں گامگیج کنگ ئَ اِنت ایشی ئِ برورد ترندی ئَ دیم ئَ پیداک اَنت۔ بُناجی ئُُ ایندگہ صوبائی حکومت واندگی ئِ رد ئَ دل یکیم اِنت ئُُ وتی مڈی آنی چارمی بھر ئَ چہ گیش ایشی ئِ سر ئَ ھرچ ئُُ درچ کنگ ئَ اِنت۔
