اسلام آباد۔ 27جولائی (اے پی پی) ساڑی حکومت نا دور اٹی گدرینگوک آ چار سال اٹی ملک اٹی تیل و گیس انا پٹنگ اٹی 39 ہزار کلومیٹر آن زیات علاقہ غاتیٹی سروے کننگا۔ وزارت پٹرولیم و قدرتی وسیلہ نا ذرائع نا رداٹ داچرجوئی ٹی 25ہزار کلومیٹر آن زیات علاقہ غاتیٹی 2ڈی و 19 ہزار کلومیٹر نا علاقہ غاتیٹی 3ڈی سروے کننگا۔ دا ارضیاتی سروے نا رداٹ ملک انا چندی علاقہ غاتیٹی 185ارب ٹن آن زیات کولانا کوڑی ساڑی ئِ ہراکہ ہڑزآن بجلی نا پیداوار کن کاریم اٹ اتنگ مریرہ۔ 184ارب ٹن انا کوڑی نا کولا نا کوڑی سندھ اٹی تھر انا علاقہ ٹی خننگرہ وخت اس کہ ٹھٹھہ ، لاکھڑ و جھم پیر انا علاقہ غاتیٹی ہم کولانا بھلو کوڑی اس خننگک۔
