ساﺅتھ افریقہ و برطانیہ ٹی ساڑی نیٹ ورک آتون تعلق تخوک آ دوبہ دارآتا دزگیری تا بابت بریفنگ تس
اسلام آباد۔ 26جولائی (اے پی پی) بنجائی وزیر داخلہ چوہدری نثارعلی خان تون ڈی جی رینجرز سندھ میجر جنرل محمد سعید ٹیلی فون آ رابطہ کرے ، رینجرنا کنڈآن تدوک آ منہ دے اٹی ساﺅتھ افریقہ و برطانیہ ٹی ساڑی نیٹ ورک آتون تعلق تخوک آ دوبہ دارآتا دزگیری تا بابت بریفنگ تننگا ۔ ترجمان وزارت داخلہ نا رداٹ وزیر داخلہ کراچی ٹی امن و ایمنی نا و کانود شکن عنصر آتا سرکوبی نا بابت رینجرز سندھ انا کارکڑد نا ستا ئِ کرے۔ وزیر داخلہ ڈی جی رینجرز سندھ ئِ دا چرجوئی ٹی مفصل ریفرنس وزارت داخلہ ئِ گدریفنگ نا پارت کرے۔ رینجرز آتا کنڈآن گدریفوک آ ریفرنس ئِ مون آ تخسا معاملہ ساﺅتھ افریقہ و برطانیہ نا حکومت تون چست کننگک۔ وزیر داخلہ چوہدری نثارعلی خان پارے کہ داہیت سنگین و بے کچ گڑتی نا قابل ئِ کہ ساﺅتھ افریقہ و برطانیہ نا گل زمین کراچی ٹی کشت و خون و دہشت گردی کن کاریم اٹ اتنگ انگ ئِ۔ نن ہڑتوم آ ملک آتا حکومت آتون صفا شاہدی تون اوار دا معاملہ ئِ چست کینہ۔
