اسلام آباد۔25جولائی (اے پی پی) پیسرگیں سفارت کار علی سرور نقوی ئَ مزن وزیر محمد نواز شریف ئِ مالدیپئِ ترءُ تابئَ را جوان لیک اِتگءُ گشتگ کہ دوھیں ملک آنی درنیامئَ سیادی ئَ را گیش کنگئَ اے ترءُ تاب باز ارزشت داریت۔ سئے شمبے ئِ روچئَ یک گلگودارئِ تہا آئی ئَ گشتگ کہ مزن وزیر ئِ ترءُ تابئَ چہ دوھیں ملک آنی درنیامئَ سیادی ئَ گیش پراھ ءُ شاھگانی رسیت۔ پاکستان ءُ مالدیپ دوھیں جنوبی ایشیائی ملک آنی دمگی گل سارک ئِ باسک ملک اَنتءُ اے وڑیں ترءُ تاب دونیمگی پڑآنی تہا سیادی ءُ کمک ئَ را گیش کنگئِ سوب جوڈ بنت۔ آئیئَ گیش گشتگ کہ مالدیپ ئِ آجوئی ئِ 52می بوتین روچ ئِ موھئَ پاکستانئِ مزن وزیر ئِ ترءُ تاب دوھیں ملک آنی در نیامئَ اقتصادی سیادی ئَ را گیش کنگئَ یک ھاسیں وسیلگے جوڈ بیت۔
