اسلام آباد۔25جولائی (اے پی پی) پاکستان مسلم لیگنئِ رہنما ءُ راجی اسمبلی ئِ باسک طاہرہ اورنگزیب ئَ گشتگ کہ مزن وزیر محمد نواز شریف ئِ سروکی ئَ مسلم لیگ ن ئِ حکومت پاکستان ئَ را ایشین ٹائیگر جوڈ کنگئِ کشک ئَ رھادگ اِنت۔ سئے شمبے ئِ روچئَ وتی یک گلگودارے ئِ تہا آئی ئَ گشتگ کہ مزن وزیر محمد نواز شریف بازیں دیمروئی ئِ منصوبہ آنی سرجمی ئِ سرئَ کار کنگ ئَ اِنت، انوگیں حکومت ئَ توانائی ئِ پدمنتگی ءُ ناشرکاری ئَ ھوار دراھیں جیڑھءُ جنجالاناں گرءُ دار کنگئِ ھاترئَ ھاسیں دلگوشی کتگ۔ آئی ئَ گشتگ کہ اے وھدئَ سی پیک ئِ ردئَ ملک ئِ تہا دگءُ شاہ دگئِ منصوبہ آنی سرئَ کار جاری اِنت کہ ایشانی سرجم بوھگئَ ملک ئِ تہا دیم روئی ءُ وشھالیئِ نوکیں دورے بندات بیت۔ یک جُستے ئِ پسوئَ آئی ئَ گشتگ کہ حکومتی گامگیجانی بتیجگئَ لوڈشیڈنگ ئِ تہا کمی اَتکگ ءُ سسٹم ئِ تہا گیشیں لین ھوار کنگ بوتگ۔ آئی ئَ گشتگ کہ انوگیں حکومت ئَ ناشرکار یئِ ھلاسی ئِ تہا باز کمی اَتکگ۔ خیبر پختونخوا، فاٹا ، کراچی ءُ ملک ئِ دگہ بھرآنی تہا امنءُ ایمنی ئِ جاورھالانی تہا کمی اَتکگ، کراچی ئِ روژناھی واتر بوتگ اَنت۔ آئی ئَ گشتگ کہ بدواھ پروش وارنت ءُ مسلم لیگ ن ئِ سرئَ اُلس یک رندے پدا اوست ئِ درشانیئَ کن اَنت۔
