اسلام آباد۔25جولائی (اے پی پی) پاکستان مسلم لیگ(ن) ئِ رہنما طلال چوہدری ئَ گشتگ کہ عمران خان ئِ سیاست زوت ھلاس بیت چیا کہ آ وتی ملکءُ میراث آنی منی ٹریل دیئگئَ ناکام بوتگ۔ شاہ آمید گس ئِ ڈنئَ ھال درئِ گوما گپءُ تران کنانئَ آئیئَ گشتگ کہ عمران خان ئَ وتی بنی گالہ ءُ وتی ملکءُ میراثءُ فلیٹس ئِ معلومداری نہ داتگ، مہ آئی ئَ چہ منی ٹریل لوٹ اِتگءُ آئیئَ مُنی ٹریل داتگ۔ آئی ئَ گشتگ کہ عمران خان ئِ سیاستئِ گڈی آرام جاھ بنی گالہ بوتگ، آئی ئَ گشتگ کہ بدواھیں سیاسی پارٹی شاہ آمید گسئَ دُزّوکانی حکومت ئِ ھاسل کنگئِ مولءُ مرادئَ ھمک روچئَ شاہ آمید گسئَ کااَنت، آئیئَ گشتگ کہ اے سیاسی چوراآں پاکستان ئِ اُلس نہ من ایت، آئیئَ گشتگ کہ عمران خان ئَ وھدے کرکٹ ئَ را کہ یل کتگ بوتگ آئیئَ کیری پیکر جن کہ دنیائِ است گاریں مردمانی تہا چہ یک اِنت آئیئِ سہارہ زُرتگ، عمران خانئَ کیری پیکر ئَ چہ کرکٹ لیب کنگئِ ھاترئَ 25000پاونڈز زُرتگ، آئی ئَ گشتگ کہ مزن وزیر محمد نواز شریف ئَ استثنیٰ است بوھگئَ ابید ھم وتءُ وتی ھاندانئَ را احتسابئِ ھاترئَ پیش کتگ وھدے کہ عمران خان ئِ ملک ءُ میراث ءُ بینک اکاﺅنٹس آئیءِ وتی نامئَ چہ نہ اَنت، آئیئَ گشتگ کہ عمران خان ئَ کہ ھرچی پراجیکٹ بندات کتگ کہ آ نمل کالج ئِ بہ بیت یا کہ نادراھ جاھ اے درس دروگ اَنت، آئیئَ گشتگ کہ عمران خان ئَ سول بے نافرمانی کتگ، ملکی ادارگ آنی سرئَ اُرش کتگ ، آ ناشرکاری آمید گساں چہ اشتہاری لیکگ بوتگ ءُ آمید گسئَ چہ جستگءُ چیر اِنت۔
