صدر عبداللہ یامین ئَ مزن وزیر محمد نواز شریف ئَ را وش اَتک کتگ، مزن وزیرئَ را 7ٹوپانی سلامی داتگ، گارڈ آف آنر دیئگ بوتگ
مالے۔25جولائی (اے پی پی) مزن وزیر محمد نواز شریف ئِ شرپئَ سئے شمبے ئِ روچئَ ایوان صدر ئَ وش اَتکی مراگش بوتگ مالدیپ ئِ 52می آجوئی ئِ روچئِ مراگشئَ ھوار بوھگئِ ھاترئَ صدر عبداللہ یامین عبدالقیوم ئِ دعوتئِ سرئَ مالدیپ ئِ 3روچی سرکاری ترءُ تابئِ سرئَ اِنت۔ صدارتی کارگس آھگئَ صدر عبداللہ یامین ئَ مزن وزیر محمد نواز شریف ئَ را وش اَتک کت، اے موھئَ مزن وزیر ئَ را 7ٹوپانی سلانی دیئگ بوتگ، پاکستان ءُ مالدیپ ءِ راجی سوت جنگ بوتگ اَنت۔ مالدیپ ئِ سلاھ بندیں فوج آنی دستہ ئَ مزن وزیر ئَ را سلامی پیش کتگ۔ مزن وزیرئَ گارڈ آف آنر ئِ تپاسی ھم کتگ۔ مزن وزیر محمد نواز شریف مالدیپ ئِ دری کارانی صلہ کار سرتاج عزیز ھم آئی ئِ ھمراھ بوتگ۔ دو زھگاں مزن وزیرءُ آئیئِ لوگی ئَ را گلدستگ پیش کتگ۔ مالدیپ ئِ دیمپانی ئِ دستہ ئَ آئی ئَ را سلامی پیش کتگ۔
