صدر عبداﷲ یامین عبدالقیوم ئِ دعوت ئِ پد ئَ تر ئُُ تاب ئِ ساھت ئَ مزن وزیر مالدیپ ئِ 52پنجاھ ئُُ دومی آجوئی ئِ روچ ئِ مراگش ئَ ھاسیں مہمان ئِ بستار ئَ بھر زوری کنت
یاتگیری منوگری آنی سر ئَ دست چنگل جنگ بیت
اسلام آباد ۔ 25 جولائی (اے پی پی) مزن وزیر محمد نواز شریف سئے شمبے ئَ مالدیپ ئِ سئے روچی سرکاری تر ئُُ تاب ئِ ھاترا روادگ بوتگ، آ 26جولائی ئِ مالدیپ ئِ 52پنجاھ ئُُ دومی آجوئی ئِ روچ ئِ ھاسیں مہمان ئِ بستارر ئَ بھر زوری ئِ ھاترا صدر ئِ عبداللہ یامین عبدالقیوم ئِ دعوت ئِ پد ئَ 25 ئَ تاں 27جولائی ئَ تاں جمہوریہ مالدیپ ئِ سرکاری تر ئُُ ت اب ئَ کنت، بیگم کلثوم نواز، مزن وزیر ئِ مشیر برائے درئی کار سرتاج عزیز، سینیٹر پرویز رشید ئُُ ٹوھیں کارندہ ھم ھمبراہ اتنت۔ ترر ئُُ تاب ئِ ساھت ئَ مزن وزیر محمد نواز شریف مالدیپ ئِ صدر ئِ گوما سرجم ئُُ برجمیں رنگے ئَ سول ئُُ تران کنت وھدیکہ اے موہ ئِ سرئَ بازیں شوبگ آنی تہ ئَ کمک ئِ ھاترا یاتگیری منوگری آنی سر ئَ دست چنگل جنگ بیت۔ ادا اے گپ لائک ئِ ساڑا اِنت کہ پاکستان مالدیپ ئِ گوما وتی یکوئی سیادی ئَ را سک باز ارزشت دنت ایشی وت مہ وتی شرپ ئُُ یکجوئی نپ ئُُ سیت ئِ درگت ئَ اَنت۔ مالدیپ ئِ گوما سفارتی یکوئی 26جولائی 1966ئِ زمانگ ئَ جوان ئُُ بندات بوتگ اَنت ئُُ وھد ئِ گوزگ ئِ گوما ایش گیش مھکم تر بوتگ اَنت۔ دوئیں ملک آنی وت مہ وتی ارزشت ئِ رد ئَ ئُُ میاں اوستمانی فورم ئِ تہئَ یک ئِ دومیگ ئِ گوما نزیکیں دست کمکی کن اَنت۔ پاک مالدیپ یکوئی دوئیں ملک آنی اُلس ئِ نیام ئَ نزیکیں ئُُ جوانیں یکوئی ئِ چیدگ اِنت۔ مزن وزیر ئِ تر ئُُ تاب ئَ چہ دسیاسی، تجارتی، اقتصادی، دیمپانی، سیل ئُُ سوادی، وانگی ئُُ اُلسی پڑ ئَ یکوئی ئَ ھوار توامیں شوبگ آنی تہ ئَ دونیمگی یکوئی ئَ را گیش شائیگانی رسیت۔ اے تر ئُُ تاب پڑ ئِ ملک آنی گوما جوانیں یکوئی ، مئے پالیشی ئِ ھم درور اِنت۔
