مالے۔ 25 جولائی (اے پی پی) مزن وزیر محمد نواز شریف سئے شمبے ئَ مالدیپ ئِ سئے روچی سرکاری تر ئُُ تاب ئِ ھاترا مالے ئَ سر بوت، مالدیپ ءِ دارالحکومت ئِ مالے ئِ بالی پٹ ئِ سر ئَ مالدیپ ءِ صدر عبداللہ یامین ئُُ کابینہ ئِ باسک آں مزن وزیر ئَ را وش اتک کت۔ مزن وزیر محمد نواز شریف (مرچی) 26جولائی ئَ مالدیپ ئِ 52پنجاھ ئُُ دومی آجوئی ئِ روچ ئِ مراگش ئَ ھاسیں مہمان ئِ درگت ئَ بھر زوری ئِ ھاترا صدر عبداللہ یامین عبدالقیوم ئِ داتگیں دعوت ئِ پد ئَ 25ئَ چہ 27جولائی ئَ جمہوریہ مالدیپ ئِ سرکاری تر ئُُ تاب ئَ کنگ ئَ اِنت، بیگم کلثوم نواز ، مزن وزیر ئِ مشیر برائے درئی کار سرتاج عزیز، سینیٹر پرویز رشید ئُُ ٹوھیں کارندہ ھم آئی ئِ ھمبراھ اتنت۔ تر ئُُ تاب ئِ ساھت ئَ مزن وزیر محمد نوازشریف مالدیپ ئِ صدر ئِ گوما سرجم ئُُ برجمیں رنگ ئَ سول ئُُ تران ھم کنت وھدیکہ اے موہ ئِ سر ئَ بازیں شوبگ آنی تہئَ کمک ئِ ھاترا جتا جتائیں یات گیری منوگری آ نی سر ئَ دست چنگل جنگ بیت۔ ادا اے گپ لائک ئِ ستا اِنت کہ پاکستان مالدیپ ئِ گوما یکوئی ئَ را سک باز ارزشت دنت ایش وت مہ وتی یکوئی ئُُ ھواری ئِ شیرگ آنی بندوک اِنت۔ مالدیپ ئِ گوما سفارتی یکوئی 26جولائی 1966ئِ زمانگ ئَ برجا بوتگ اَتنتئُُ وھد ئِ گوزگ ئِ گوما ایش گیش مھکم تر بوتگ اَنت۔ دوئیں ملک آنی وت مہ وتی ارزشت ئِ رد ئَ ئُُ میاں اوستمانی فورم ئِ تہئَ یک ئِ دومیگ ئِ گوما نزیکیں دست کمکی کن اَنت۔ پاک مالدیپ یکوئی دوئیں ملک آنی اُلس ئِ نیام ئَ نزیکیں ئُُ جوانیں یکوئی ئِ چیدگ اِنت۔ مزن وزیر ئِ تر ئُُ تاب ئَ چہ دسیاسی، تجارتی، اقتصادی، دیمپانی، سیل ئُُ سوادی، وانگی ئُُ اُلسی پڑ ئَ یکوئی ئَ ھوار توامیں شوبگ آنی تہ ئَ دونیمگی یکوئی ئَ را گیش شائیگانی رسیت۔ اے تر ئُُ تاب پڑ ئِ ملک آنی گوما جوانیں یکوئی ، مئے پالیشی ئِ ھم درور اِنت۔
