سرگودھا، لاہور، مالاکنڈ، پشاور، ڈی جی خان، سیبی ، نصیر آباد، میرپورخاص، سکھر ڈویژن ، فاٹا ، گلگت بلتستان اٹی گڑاس ہند آتیا ہورہ و گروک تون پِر انا پیشنگوئی

اسلام آباد۔ 25جولائی (اے پی پی) محکمہ موسمیات بروک آ 24گھنٹہ ٹی اسلام آباد، راولپنڈی، گوجرانوالہ، ہزارہ ڈویژن و کشمیر اٹی جاگہ جاگہ وخت اس کہ سرگودھا، لاہور، مالاکنڈ، پشاور، ڈی جی خان، سیبی، نصیر آباد، میر پورخاص، سکھر ڈویژن ، فاٹا ، گلگت بلتستان اٹی گڑاس ہند آتیا ترند تہو و ہورہ و گروک تون پِر انا پیشنگوئی کرینے ملک انا ایلو علاقہ غاتیٹی موسم باسن و نمبی مریک۔ سے شنبے نا دے داڑے جاری بیان نا رداٹ بروک آ 48 گھنٹہ ٹی گوجرانوالہ ، سرگودھا، لاہور، مالاکنڈ، ہزارہ، پشاور ، بنوں ، میر پور خاص، حیدرآباد ڈویژن ، اسلام آباد ، کشمیر و فاٹا ٹی گڑاس ہند آتیا ترند تہو و ہورہ و گروک تون پِر انا گمانئِ۔ ملک انا ایلو علاقہ غاتیٹی موسم باسن و نمبی مریک ۔ گدرینگوک آ 24گھنٹہ ٹی راولپنڈی، گوجرانوالہ، ہزارہ ڈویژن، کشمیر اٹی جاگہ جاگہ وخت اس کہ میر پور خاص ، حیدرآباد ڈویژن، اسلام آباد و گلگت بلتستان اٹی گڑاس ہند آتیا ترند تہو و ہورہ و گروک تون پِرمس۔ ملک انا ایلو علاقہ غاتیٹی موسم باسن و نمبی سلیس۔ غٹ آن زیات پِر کامرہ ٹی 48، منگلا 37، گجرات21، چکوال19، سیالکوٹ(سٹی) 8، جہلم 2، اسلام آباد اسٹ، کاکول 23، بالاکوٹ 9، چھور15، نگرپارکر10، مظفرآباد6، کوٹلی اسٹ و گوپس اٹی 2ملی میٹر ریکارڈ کننگا۔تدوک آ دے نوکنڈی ٹی 44، دالبندین 43، پڈعیدن، لاڑکانہ ، چلاس ، موہنجودڑو و روہڑی ٹی 42ڈگری سینٹی گریڈ درجہ حرارت ریکارڈ کننگا۔