ریلوے اسٹیشن تیا مسافر آتے کن آسراتی تا فراوانی ٹی ودکی، مسافرٹرین نا رفتار 160 کلومیٹر اسہ گھنٹہ اسکان سرمریک
2021ءاسکان ایم ایل ون آ مسافر آتا کچ ہفت ئُ نیم کروڑ آن ودک
اسلام آباد۔ 25جولائی (اے پی پی) چین پاکستان اقتصادی راہداری (سی پیک ) نا رداٹ 8.2 ارب ڈالر آن پاکستان ریلوے ایم ایل ون نا اپ گریڈیشن نا ڈٹ ہندا سال بناءکننگک ہرانا فزیبلٹی سٹڈی پورو کننگانے، ایم ایل ون نا اپ گریڈیشن آ مسہ مرحلہ غاتیٹی عملدرآمد کننگک، اپ گریڈیشن ڈٹ انا رداٹ کراچی، کوٹری، حیدرآباد اٹی 163کلومیٹر مریس پوسکن آ ریلوے لین نا جوڑ جاڑ آ سلاہ غا سجفنگ انگ ئِ، اپ گریڈیشن نا رداٹ ریلوے اسٹیشن تیا مسافر آتے کن آسراتی تا فراوانی ٹی ودکی و مسافر ٹرین نا رفتار 160کلومیٹر اسہ گھنٹہ اسکان سرمریک ہراڑآن شاری تے ترند رفتار ریلوے نا سفری آسراتی دوبریک۔ سرکاری ذرائع نا رداٹ اقتصادی راہداری ڈٹ (سی پیک ) نا رداٹ ایم ایل ون اپ گریڈیشن نا ڈٹ ریلوے نا بحالی کن اسہ بھلوگام اسے، پاکستان ریلوے نا 80 درسد آن زیات ریونیو ایم ایل ون نا ٹرین ٓپریشن تیان دوئی مریک، ایم ایل ون نا 1872کلومیٹر ٹریک نا اپ گریڈیشن مسہ مرحلہ غاتیٹی پورو مریک، اپ گریڈیشن نا اولیکو و ارٹ میکو مرحلہ بروک آ چار آن پنچ سال اٹی پورو مریک و دارداٹ فزیبلٹی سٹڈی پورو کننگانے ہرانا رداٹ کراچی آن پشاور، حیدرآباد، سکھر، ملتان ، لاہورو راولپنڈی آ تالان ایم ایل ون نا اپ گریڈیشن نا اولیکو مرحلہ ٹی ملتان۔لاہور334کلومیٹر سیکشن نا اپ گریڈیشن و ہڑتوم آ ریلو ے اسٹیشن تیا مسافر آتے کن آسراتی تے ودفنگک حیدرآباد۔ملتان 748کلومیٹر، کمیاڑی۔حیدرآباد سیکشن 182کلومیٹر نا اپ گریڈیشن و کراچی کنٹونمنٹ اسٹیشن آ مسافر آتے کن آسراتی تے ہم ودفنگک۔ ذرائع نا رداٹ ایم ایل ون نا اپ گریڈیشن نا اولیکو مرحلہ ٹی پشاور آن راولپنڈی 159کلومیٹر ٹریک ئِ ہم ڈبل کننگک، والٹن ریلوے اکیڈمی لاہور نا اپ گریڈیشن کننگک ، ایم ایل ون نا اپ گریڈیشن نا ارٹ میکو مرحلہ ٹی حویلیاں آن ٹیکسلا نا نیام اٹ 55کلومیٹر ٹریک، لاہور آن موسیٰ سیکشن 132کلومیٹر، راولپنڈی آن لالہ موسیٰ سیکشن 170 کلومیٹر نا اپ گریڈیشن و ٹریک ئِ ڈبل کننگک۔ فیز ٹو اٹی ہی کراچی۔ کوٹری۔حیدرآباد نا نیام اٹ 163کلومیٹر پوسکن ریلوے لین نا جوڑ جاڑ نا سلاہ غاہم سجفنگ انگ ئِ۔ ڈٹ انا مسٹ میکو مرحلہ (فیزتھری) اٹی پاکستان ریلوے نا کنڈآن پاکستان والٹن اکیڈمی لودھراں، خانیوال سیکشن 91کلومیٹر نا اپ گریڈیشن و الیکٹری فیکشن نا پورو ہم کننگک۔ ذرائع نا رداٹ ایم ایل ون نا اپ گریڈیشن آن ریلوے نا کمک اٹ سفر کروک آ مسافر آتا کچ اٹی سالانہ 5 درسد ودکی مریک و 2021ءاسکان ایم ایل ون آ مسافر آتا کچ اسہ اندازہ سے نا رداٹ 7 کروڑ 54لکھ آن ودک داڈٹ انا پوروی آن ہراڑے مسافر آتے ہڑزان و ترند رفتار سفری آسراتی دوبریک ہموڑے بھلو کچ اسے ٹی ملازمت آتا وارخواہی ہم ودی مریک۔
