بنجائی حکومت آزاد جموں و کشمیر اٹی بنداوی ڈھانچہ و سیل و سوات نا مون آ دننگ آ چکار تخنگ ئِ، مسلم لیگ (ن) تعلیم، جان جوڑی و راجی بشخ آتیٹی گچینی نا بابت آزاد کشمیر نا الس تون کروک آ وعدہ غاتے پورو کیک
اسلام آباد۔ 24جولائی (اے پی پی) وزیراعظم محمد نواز شریف پارینے کہ بنجائی حکومت آزاد جموں و کشمیر اٹی بنداوی ڈھانچہ و سیل و سوات نا مون آ دننگ آ چکار تخنگ ئِ ہرادابشخ آتے کن بنجائی فنڈ اٹی دوگناودکی آن پاش ئِ ، حکومت آزاد کشمیر ئِ سیل وسوات نا بنجاءاس جوڑ کننگ کن کوشست کننگ اٹی ئِ۔ اوداہیت ئِ آزاد کشمیر نا وزیر اطلاعات و سیل و سوات مشتاق منہاس تون دوشنبے نا دے داڑے ہیت وگپ کرسا پارے۔ اوڑدہی ٹی مشتاق منہاس وزیراعظم ئِ آزاد کشمیرحکومت نا کنڈآن بناءکروک چندی شونداری ڈٹ آتا بارواٹی معلومدار کرے۔ وزیراعظم پارے کہ پاکستان مسلم لیگ (ن) تعلیم ، جان جوڑی و راجی بشخ آتیٹی گچینی نا بابت آزاد کشمیر نا الس تون کروک آ وعدہ غاتے پورو کیک و مسلم لیگ (ن) نا کارندہ غاتون اوڑدہی کن زوت آزاد کشمیر نا دورہ ئِ کیوہ۔ مقبوضہ کشمیر اٹی انسانی حق انا سنگین خلاف ورزی تا بابت وزیراعظم پارے کہ پاکستان مقبوضہ کشمیر نا بے گناہ بندغ آتیا واک انا کاریم اٹ اتنگ نا ہمیشہ ترندی اٹ مذمت ئِ کرینے۔ وزیراعظم پارے کہ پاکستان کشمیری الس نا رواحق خودارادیت نا خواست انا بابت تینا اخلاقی و سفارتی مخ تفی ئِ برجاءتخک۔
