اسلام آباد۔ 24جولائی (اے پی پی) بنجائی وزیر مذہبی امور سردار محمد یوسف حاجی تتون پارینے کہ او سعودی عرب اٹی اڈکننگ نا وخت آ مذہبی فرض انا اداکننگ تون اوار اوار تینا مثبت طرز عمل و گچین نظم و ضبط اٹ ملکی وقار اٹی ودکی کیر۔ سفر حج انا مشکل و تکلیف آ صبر کننگ ہم باعث اجرثواب اسے۔ دوشنبے ناد ے بے نظیر انٹر نیشنل ایئر پورٹ آاولیکو حج جہاز انا کمک اٹ حج مبارک آ رادہ مروک آ حاجی تاسپاروکی دود آن تران کرسا اوپارے کہ بطور وزیر مذہبی امور اونا داکوشست مسنے کہ حاجی تے زیات آن زیات آسراتی ایتے۔ اوپارے کہ پاکستانی حاجیک سعودی کمامدار، رضاکار وکمکار آتا پارت آتیا سختی اٹ عمل کیر۔ حاجی تے بایدے مرے کہ او حرمین شریفین نا تقدس و حرمت نا خیال ئِ تخنگ تون اواراوار تینا مثبت طرز عمل و گچین نظم و ضبط اٹ ملکی وقار اٹی ودکی کیر۔ اوپارے کہ حج انا مشکلات و تکلیف آتیا صبر کننگ ہم اجروثواب نا سوب ئِ۔ وزیر مذہبی امور پارے کہ مکہ مدینہ و جدہ ٹی دفتر امور حجاج پاکستان نا رداٹ چندی بشخ آک 24گھنٹہ کاریم کننگ ئُ۔ سعودی عرب اٹی پاکستانی ڈاکٹر، پیرامیڈیکل اسٹاف، کمکار حج مدد و راہشونی کن ساڑی ئُ۔ پاکستان و سعودی عرب اٹی راہشونی و غاو تا ازالہ کن ہیلپ لین اس ہم اڈ تسنے۔ اوحج انا حاجی تے پارت ترسا پارے کہ پاکستان و امت مسلمہ ئِ تینا دعاتیٹی خصوصی وڑاٹ یات تخر۔
