اسلام آباد ۔ 23 جولائی (اے پی پی) سپریم کورٹ اٹی تحریک انصاف ناسروک عمران خان نا برخلاف السی عہدہ کن نابودی نابابت اہم کیس انا سماعت اینو (دوشمبے نادے ) مریک۔ چیف جسٹس میاں ثاقب نثار نا سروکی ٹی مسہ باسکی بینچ کیس انا سماعت ئِ کیک ۔بینچ اٹی جسٹس عمر عطاءبندیا ل و جسٹس فیصل عرب اوار ئُ۔ تدوک آ سماعت اٹی عدالت عمران خان آن لندن فلیٹ اناہلنگ نا بابت منی ٹریل و کاﺅنٹی کرکٹ نا آمدنی ئِ خواہسوسس۔او تینا ریمارکس اٹی پاریسس کہ عمران خان ایلوفتا دزئی تے ہلیک او تینا ریکار ڈئِ ہم عدالت اٹی جمع کرفے۔ سپریم کورٹ نا رجسٹرار نا کنڈآن جمعہ نا دے ریکارڈ جمع کپننگ آیات دہانی نا نوٹس اس تننگاسس ۔ اوکان پد ہفتہ نادے عمران خان نا کنڈآن ورندی داخل کرفنگا، ولے داٹی او منی ٹریل تننگ اٹی بے سہب مس و او اعتراف کرے کہ کاﺅنٹی کرکٹ 20 سال متکن ئُ ریکارڈ تخپک ہنداخاطران اونا آمدن و روزگاری نا شیڈول نا ریکارڈ دستیاب اف۔
