نوشہرہ ۔23جولائی (اے پی پی ) جمعیت علماءاسلام (ف) نا اسہ بڑزکو کہولی ڈل اس ڈپٹی چیئر مین سینیٹ مولانا عبدالغفور حیدری نا کماشی ٹی جمعیت علماءاسلام (س) انا سروک مولانا سمیع الحق تو ن اونا ہنکین آ اوڑدہی کرے و تین پہ تینی نا معاملہ غاتیا خیال آتا درشانی ئِ کریر ۔ ڈل ٹی جمعیت علما ءاسلام (ف) انا ہرچارآصوبہ غاتا جنرل سیکرٹری سندھ آن مولانا راشد سومرو، کراچی آن جناب محمدا سلم غوری ،کوئٹہ غان سکندر خان ایڈووکیٹ مولانا صلاح الدین ،خیبر پختونخوا آن مولانا شجاع الملک مفتی عبدالشکور، شمس الرحمان شمسی، راولپنڈی آن اقبال اعوان ‘مولانا سخی بہاد رو ایلوک اوار ئسر۔ ڈل اوڑدہی ٹی مولانا سمیع الحق آن آخبت اٹی گچین کاری حالیت آتیٹی دینی جماعت آتا کڑد و سیوت ئِ شرہ ٹی اتنگا۔ جمعیت علما ءاسلام (س)ا نا سروک مولانا سمیع الحق پارے کہ ملک انا دینی تشخص و اسلامی چاہنداری نا رکھ اکن دینی جماعت آتا متحد مننگ آن بیدس ہچئُ چارہ اس اف ولے ننے ہروئی دامریک کہ ننامسخت دینی ہد ف آتے کن ملک انا ہراسیاسی جماعت آک ننامزل ملک اٹی نفاذ شریعت کن رفیق سفر مننگ کیرہ ۔
