اقوام متحدہ ۔ 22 جولائی (اے پی پی) پناہ گزین آتے کن اقوام متحدہ نا ادارہ یو این ایچ سی آر نا پاکستان اٹی غیر رجسٹرڈ اوغان باہوٹ آتا رجسٹریشن کن پائلٹ پراجیکٹ نا خیر مقدم ئِ کرسا پارینے کہ دا ٹی کم وود 10 لکھ غیر رجسٹرڈ اوغان باہوٹ آتا رجسٹریشن نا گمانیئِ ۔ یو این ایچ سی آر نا ترجمان صحافی دونیا اسلم خان جنیواٹی صحافی تے پارے کہ پائلٹ پروجیکٹ نا رد اٹ پاکستان اٹی رینگوک آ ہموننگا اوغان باہوٹ آتا رجسٹریشن مریک ہرافتے تون ملک اٹی اڈکننگ نا کانود ی دستاویزساڑی اف۔ داکان بیدس داگام آن دااوغان باہوٹ آتے ہم آسراتی ملک ہراپاکستان اٹی رہینگ انگ ئُ و ہراسوب اسے آن تینا ملک آہننگ کپسہ۔دا پائلٹ پروجیکٹ نا بنا ءمسونے و بنداوی وڑ اٹ پشاور و اسلام آباد نابنجاتیٹی غیر رجسٹرڈ اوغان باہوٹ آتا رجسٹریشن برجا ئِ ، دا پروگرام نا دنگ ئِ 16 اگست آ مچ آ ملک اٹی تالان کننگک ۔او پارے کہ دا سکیم نا رد اٹ رجسٹرڈ مروک آ اوغان باہوٹ آتے رہینگ انگ کن درکار کارڈ فروان کننگک۔ہرااوغان حکومت نا کنڈآن دُن انگا بندغ آتے پاسپورٹ و ایلو دستاویز آتا جاری کننگ اسکان کارآمد سلک۔ او پارے کہ دا پروگرام آن دُن انگا چندی اوغان خاہوٹ آتے ریلیف ملک ہرافتا گڑاس باسک آتون دُن تو کانودی دستاویز ساڑی اف ولے دُن انگا خاہوت آتے ایلو بندغ آتون داوڑنا دستاویز مفک ہرانا سوب اوفتے مشکل آتا مون تروئی تمک۔
