پاکستان دہشت گردی نا برخلاف جنگ اٹی بھلو جانی و مالی قربانی تسنے ۔کولیشن سپورٹ فنڈ دہشت گردی نابرخلاف اسیجا ہدف نا دوئی کن کروک آ خڑچ آک ئُ کمکاری آخا
اسلام آباد ۔22 جولائی (اے پی پی ) امریکہ ٹی پاکستان نا سفیر اعزاز چوہدری پارینے کہ پاکستان دہشت گردی نا برخلاف جنگ اٹی بھلو جانی و مالی قربانی تسونے ۔ او داہیت ئِ امریکہ نا کنڈآن کولیشن سپورٹ فنڈ انا مد اٹی 50ملین ڈالر نا امداد ئِ توننگ نا بابت درملکی خبررساں ایجنسی نا رپورٹ نا رداٹ” اے پی پی“تون ہیت وگپ کرساکرے ۔ اعزاز چوہدری پارے کہ گدرینگوک آ اسہ دہائی ٹی دہشت گردی نا برخلاف جنگ اٹی پاکستان نا قربانی کس اسے آن ڈکھوک افس۔ دا اسہ حقیقت اسے کہ دہشت گردی نا بر خلاف گچین گام گیج اٹی دہشت گردی نا جلہوآتیٹی نمان کمتی مسنے ۔ اوپارے کہ پاکستان دہشت گردی نا برخلاف جنگ اٹی اولیکو صف انا ملک آتیٹی اوار ئِ و دارداٹ پاکستان نمان سرسہبی دوئی کرینے۔ اودارداٹ آپریشن ردالفساد و ساڑی ہی ٹی بناءکروک آ آپریشن خیبر فور انا حوالہ ئِ تس و پارے کہ دہشت گردی نا چٹفنگ کن پاکستان نا گام گیج آک بھاز صفا ئُ ، کولیشن سپورٹ فنڈ نا فنڈئِ توننگ نا معاملہ غا ہیت و گپ کرسا اعزاز چوہدری پارے کہ دا فنڈہموخڑچ آک ئُ ہراپاکستان دہشت گردی نا برخلاف جنگ اٹی سگانے۔ دا دہشت گردی نا برخلاف جنگ انا ننا اسیجائی ہدف نا دوئی کن کروک آ خڑچ آک ئُ کمکاری آخا۔
