پاک فوج خیبر ایجنسی ٹی آپریشن خیبر 4 اٹی بھلو سرسہبی اس دوئی کرے۔ پاک اوغان بارڈر نا خڑک انا علاقہ ئِ دہشت گردآتیان خورک کرفنگا۔ پاک فوج 12 ہزار فٹ انا بڑزکو ٹل بریخ محمد کنڈاﺅ آ چیک پوسٹ اس جوڑ کرے۔ کیہی دہشت گرد آک تپاخت، بھلو کچ اسے ٹی سلہہ، گولہ بارد و بارودی سرنگ آتے کوزہ ٹی ہلنگا ۔آئی ایس پی آر

راولپنڈی ۔ 22 جولائی (اے پی پی ) پاک فوج خیبر ایجنسی ٹی آپریشن خیبر 4 اٹی بھلو سر سہبی دوئی کرینے ۔پاک اوغان بارڈرنا خڑک انا علاقہ ئِ دہشت گرد آتیان خورک کرفنگا۔ پاک فوج 12 ہزار فٹ بڑزکو ٹل بریخ محمد کنڈاﺅ آ چیک پوسٹ اس جوڑ کرے ۔ ہفتہ نادے آئی ایس پی آر نا کنڈآن جاری پریس ریلیز نا رداٹ آپریشن فور اٹی پاک اوغان سیم آ غٹ آن اہم انگا چوکی آکنٹرول دوئی کرے و چیک پوسٹ جوڑ کرے۔کارروائی ٹی کیہی دہشت گرد آک تپاخت کریر وخت اس کہ گڑاس بچوک آ اوغانستان آ نرار ۔دابڑزکو ٹل چاروکی و سلہہ مچ کننگ کن کاریم اٹی اتنگاکہ۔ دہشت گرد آک ٹل آکوزہ ئِ برقرار تخنگ کن بھاز چک و تاڑ کریر ولے پاک فوج انا عزم و حوصلہ نا سوب دہشت گرد آک کوزہ ئِ برقرار تخنگ اٹی بے سہب مسر۔ اسپیشل سروسز گروپ ناپبی کارروائی ٹی چندی دہشت گرد آک تپاخت کریر ۔ مشی آ علاقہ جنگل آتیا تالان ئِ ۔ ہندا مش انا ٹل پلاننگ آن مست ہی خورک کرفنگا۔ آئی ایس پی آر نا رداٹ دہشت گرد آتا چندی ٹھکانہ غاتے ہم بھس کننگا۔