اسلام آباد ۔ 22 جولائی (اے پی پی) امریکا ئَ پاکستان ئِ سفیر اعزاز چوہدری ئَ گوشت کہ پاکستان ئَ ناشرکاری ئِ ھلاپ جنگ ئَ مزنیں جانی ئُُ مالی قربانی داتگ انت۔آہاں اے گپ امریکا ئِ نیمگ ئَ چہ کولیشن سپورٹ فنڈ ئِ مد ئَ 50ملین ڈالر ئِ کمک دارگ ئِ ھوالہ چہ درملکی رسانکدر ئِ رپورٹ ئِ روژنی ئَ ”اے پی پی“ ئِ گوما گپ ئُُ تران کنان ئَ گوشتگ انت۔ اعزاز چوہدری ئَ گوشتگ کہ گوستگیں دھ سال ئَ ناشرکاری ئِ ھلاپ جنگ ئَ پاکستان ئِ قربانی کسے ئَ چہ چیر نہ انت،اے یک حقیقت انت کہ ناشرکاری ئِ ھلاپ گہترگام آنی سبب ئَ ناشرکاری اُرش ئَ باز کمی بوتگ۔آہاں گوشت کہ پاکستان ناشرکاری ئِ ھلاپ جنگ ئَ اولی لڑ ئِ ملکاںھوار انتئُُ اے ھوالہ ئَ پاکستان ئَ سوبمندی زرتگ انت۔آہاں اے ھوالہ ئَ آپریشن ردالفساد ئُُ آپریشن خیبرفورئِ ھوالہ داتگ ئُُ گوشتگ کہ ناشرکاری ئِ ھلاسی ئَ پہ پاکستان ئِ گامگیج باز واضع انت، کولیشن سپورٹ فنڈ ئِ فنڈآنی دارگ ئِ معاملہ ئِ سرا گپ ئُُ تران کنان ئَ اعزازچوہدری ئَ گوشت کہ اے فنڈ ہما ھرچ انت ہما کہ پاکستان ئَ ناشرکاری ئِ ھلاپ جنگ ئَ کارمرز کتگ انت،اے ناشرکاری ئِ ھلاپ جنگ ئِ مئے یکجاھیں ٹارگٹ ئَ پہ ھرچ انت کمک نیست انت۔
