راولپنڈی ۔ 22 جولائی (اے پی پی) پاک اُردو ئَ خیبر ایجنسی ئَ آپریشن خیبر 4ئَ مزنیں سوبمندی زرتگ انت، پاک اوگان سیمسر ئِ نزیک دمگ ئَ را ناشرکار ئَ چہ حالی کنائنتگ انت، پاک اُردو ئَ 12ہزار فٹ بُرزی کوھ بریخ محمد کنڈاﺅ سرا چیک پوسٹ اڈ داتگ انت،بازیں ناشرکار بیران ، چیزے اوگانستان ئَ جستگ انت۔یک شمبے ئَ آئی ایس پی آر ئِ نیمگ ئَ چہ جاڑی پریس ریلیز ئِ ردئَ آپریشن خیبرفور ئِ نیام ئَ پاک اوگان سیمسر ئَ درستاں چہ حاصیں چوکی ئِ سرا کنٹرول سنبھالتگ انت ئُُ چیک پوسٹ اڈ کرتگ انت،کارروائی ئِ نیام ئَ لہتیں ناشرکاری بیران بوتگ انت وھدیکہ چیزے اوگانستان ئَ جستگ انت،مزنیں کچ ئُُ کساس ئَ گولہ بارود ئُُ بارودی تراک ناکیں چیز قوضہ ئَ گپتگ انت، آئی ایس پی آر ئِ رد ئَ کارروائی ئِ ساعت ئَ ناشرکارآنی بازیں بنجل ھم پروش داتگ انت
