اسلام آباد ۔ 21 جولائی (اے پی پی)مزن وزیر وانگ ئُُ زانگی ریفارم پروگرام ئِ چیر دستی ئَ سپیشل زھگ آنی ھاترا ھاسیں رنگ ئَ ڈیزائن کتگیں دو بس ھاسیں وانگ ئُُ زنگی ادارگ آنی ھوالگ ئَ کنگ بوت۔ اے بس آنی سر ئَ ھاسیں آسراتی پُجارینگ بوت۔ اولی بھر ئَ کیڈ ئِ چیر دستی ئَ وانگ ئُُ زانگی ادارگ آناں 70بس پُجارینگ بوتگ ایشانی تہ ئَ دو بس مزن وزیر ئِ پنت ئُُ شون ئِ پد ئَ ھاسیں مٹ ئُُ بدلی کنائینت ئُُ سپیشل زھگ آنی وانگ ئُُ زانگی ادارگ آناں دیگ بوتگ آں۔ ایشی ئَ چہ پیسرھم پنچ سپیشل بس زھگ آنی وانگ ئُُ زانگ ئِ ادارگ آنی ھوالگ ئَ کنگ بوتگ آں۔ اے بس آناں وئیل چیر ئِ دروازگ ھاسیں زھگ آنی ھاترا جنگ بوتتگ۔ اے بس آنی تہ ئَ وئیل چیر ایر کنگ ئِ ھاسیں جاھ پر اِنت۔ اے موہ ئِ سر ئَ وزیر ئِ مملکت برائے کیڈ ڈاکٹر طارق فضل چوہدری ئَ گوشت کہ بازیں ھاسیں زھگ آنی وانگ ئُُ زانگی ادارگ ئِ تہ ئَ ئُُ روگ ئُُ آیگ ئِ وسیلگ ئِ نہ بوھگ ئِ سبب ئَ ایش چہ وانگ ئُُ زانگ ئَ گستا بنت۔ایشانی معذوری ئِ سبب ئَ پبلک ٹرانسپورٹ ئَ سپر کت نہ کناں، نوکیں بس آنی پُجاری ئَ چہ اے زھگ وتی وانگ ئُُ زانگ ئَ جاڑ دارگ ئَ کمک رسیت۔ مز ن وزیر ئَ گوستگیں دسمبر ئَ وزیر ئِ کیڈ ڈاکٹر طارق فضل چوہدری ئِ دزبندی ئِ سر ئَ کیڈ ئِ وانگ ئُُ زانگی ادارگ آناں گیش 130بس ئُُ 30کوسٹر ئِ بہا زوری ئِ ھاترا فنڈ پُجاری کنگ ئِ منظوری داتگ ایشانی بھا زوری ئِ کار برجا اِنت۔
