اسلام آباد ۔ 21 جولائی (اے پی پی) صدرمملکت ممنون حسین ئَ سید طاہر شہباز ئَ ایوان صدر ئَ بُنجاھی محتسب ئِ اُگدھ ئِ سوگند چست کت۔ صدر ئِ مملکت ئَ اے موہ ئِ سر ئَ سید طاہر شہباز ئَ را مبارک بات دات۔ سوگندی مراگش ئَ چہ پد نوک گچین بوتگں بُنجاھی محتسب سید طاہر شہباز ئَ صدر ئِ مملکت ئَ گوں گند ئُُ نند کت۔ اے موہ ئِ سر ئَ صدر ئِ مملکت ئَ اُمیت سہرا کت کہ آ سیٹ ئِ سر ئَ نندگ ئَ پدد اُلسی جیڈھ آنی گیواری ئِ ھاتراسرجمی ئَ ازمت بکن اَنت۔ آئیئَ گوشت کہ بُنجاھی محتسب ئِ ادارگ لس مردم آنی شکایست آنی پیلو کنگ، ایشاناں زوت انصاف ئِ پُجاری کنگ ئُُ گہبود ئِ ھاترا گیشاں گیش گامگیج بکن اَنت۔ بُنجاھی محتسب ئِ سوگندی مراگش ئَ بازیں شوبگ آں چہ سیادی داروکیں ٹوھیں کارندہ آن بھر زرت۔ اے موہ ئِ سر ئَ سید طاہر شہباز ئَ گوشت کہ ھرچی زمہ واری آئی ئَ را داتگ بوتگ آں، آ ایشاناں پیلو کن اَنت۔ سوگندی اے مراگش اُردو زبان ئَ براجم دارگ بوتگ اَت۔
