اسلام آباد۔ 21جولائی (اے پی پی) صدر مملکت ممنون حسین سید طاہر شہباز تون ایوان صدر اٹی بنجائی محتسب نا عہدہ نا سوغند ہلک۔ صدر مملکت دا وخت آ سید طاہر شہباز ئِ مبارکبادی تس۔ سوغندی دود آن پد پوسکن گچین مروک آ بنجائی محتسب سید طاہر شہباز صدر مملکت تون اوڑدہی کرے۔ داوخت آ صدر مملکت اومیت نا درشانی ئِ کرے کہ او عہدہ ئِ سنبھالنگ آن پد السی ویل آتا ایسری کن پورو خواری اٹ کاریم کیک۔ اوپارے کہ بنجائی محتسب نا ادارہ لس خلقت نا غاو تا ازالہ ، اوفتے زوت آن زوت انصاف فراوان کننگ و شرحالی کن پبی گام گیج کے۔ بنجائی محتسب نا سوغندی دود اٹی چندی بشخ آتیان تعلق تخوک آ بڑزکو کمامدارآک ہم ساڑی ئسر۔ داوخت آ سید طاہر شہباز پارے کہ ہرازمواری ئِ اودے تننگانے او اودے ایمانداری اٹ سنبھالک۔ داسوغندی دود اردو ٹی اڈتننگا۔
