اسلام آباد۔ 21جولائی (اے پی پی) وزیراعظم محمد نواز شریف قومی بالی پٹ آتے کاریم اٹ اتوک آ مسافر آتے کن خذمت آتا فراوانی ئِ ترندی اٹ گچین جوڑ کننگ نا پارت کرینے۔ جمعہ نا دے داڑے سول ایوی ایشن آن تعلقدار معاملہ غاتابارواٹی اڈ ہلوک آ دیوان نا کماشی ئِ کرسا وزیراعظم محمد نواز شریف پارے کہ پاکستان نا قومی بالی پٹ آتیا مسافر آتے دنیا نا اہم جہانی بالی پٹ آتیانبار نا آسراتی فراوان کننگے۔ وزیراعظم نا سلاہکار ایوی ایشن سردار مہتاب احمد خان و ڈائریکٹر جنرل سول ایوی ایشن اتھارٹی وزیراعظم ئِ پوسکن آ اسلام آباد بالی پٹ اتون اوار چندی جاری ڈٹ آتا بارواٹی معلومدار کرے۔ وزیراعظم پارت کرے کہ دا ڈٹ آتا تخو ک آ وخت انا تہٹی پوروی ئِ المی جوڑ کننگے و کاریم نا معیار آ ہچ ئُ سمجھوتہ اس کننگپ۔ وزیراعظم نا غٹ ڈٹ آتیٹی ہروڑنا شفافیت ئِ المی جوڑ کننگ نا ہم پارت کرے۔

متعلقہ مضامینمصنف کی طرف سے مزید