اسلام آباد۔ 21جولائی (اے پی پی) وزیر مملکت دیر و بجلی عابد شیر علی پارینے کہ این آر او و نیب زدہ خلقت ننے آن حساب خواہرہ۔ وزیراعظم محمد نواز شریف انشاءاللہ 2018 ءنا گچین کاری تیٹی ہم سرسہبی دوئی کیک۔ جمعہ نا دے سپریم کورٹ انا پیشن میڈیا تون ہیت وگپ کرسا بنجائی وزیر دیر و بجلی عابد شیر علی پارے کہ عدالتی فیصلہ غان پد عمران خان کن پاگل خانہ ٹی کمرہ اس تیار کرفینہ۔ پیپلزپارٹی نا بارواٹی اونا پاننگ ئس کہ پیپلزپارٹی نا کرپشن آلیکچر آن سپریم کورٹ نا درو دیوال آ سریرہ۔ اوشیخ رشید نا بابت تینا ہیت وگپ اٹی پارے کہ اگہ شیخ رشید تینا جائیداد نا منی ٹریل اس ایتے تو ای استیفہ ایتیوہ۔ اومستی پارے کہ آئین ئِ مون آ تخسا فتح وزیراعظم محمد نواز شریف نا مریک۔ مخالف آک پاکستان نا شونداری آن خارزدہ ئُ۔ محمد نواز شریف دہشت گردی ئِ چٹفے، ملک اٹی روڈ آتا جال اس شاغا۔ این آر او و نیب زدہ خلقت ننے آن حساب خواہرہ۔ وزیراعظم محمد نواز شریف انشاءاللہ 2018ءنا گچین کاری تیٹی ہم سرسہبی دوئی کیک۔
