27 ارب کلدار ئِ ھرچ ئُُ درچ ئَ سرجم بوھوکیں منصوبگ ئَ 8.5کلومیٹرئُُ 1.9کلومیٹر ئِ دو سوپ، 35کلومیٹر روگ ئُُ آیگ ئِ سڑک ، 12 پل ھوار اَنت
منصوبگ ئِ سرجمی ئَ چہ چترال ئِ اُلس ملک ئِ ایندگہ بھر آنی تہ ئَ روگ ئُُ آیگ ئَ چہ پنچ ماہ ئِ مٹ ئَ سرجمیں سال رکھ ایت
اُلسئَ گوشت ”گام آں ترند کن مزن وزیر ما گون تو گون آں گوں“ ئُُ ”نوازشریف زندہ باد ئِ نھردگ“
اپر دیر ۔ 20 جولائی (اے پی پی) مزن وزیر محمدنوازشریف ئَ پنچ شمبے ئِ روچ ئَ 8.5 کلومیٹر دراج بُریں لواری ٹنل ئِ منصوبگ ئِ بنگیج کت، ٹنل ئِ سرجمی ئَ چہ چترال ئِ اُلس آناں گہتر سپری آسراتی پجارینگ بیت، مزن وزیر ئَ ٹنل ئِ توکی کشک ئِ سر ئَ پیت کپ کت ئُُ اے ٹوھیں منصوبگ ئَ را بنگیج کتگ۔ اے موہ ئِ سر ءَ گورنر خٰبر پختونخوا اقبال ظفر جھگڑا، مزن وزیر ئِ مشیر ئُُُ پاکستان مسلم لیگ (ن) ئِ صوبائی صدر امیر ئِ مقام ، ڈپٹی سپیکر قومی اسمبلی ئُُ صوبائی جنرل سیکرٹری پاکستان مسلم لیگ (ن) مرتضیٰ جاوید عباسی ئُُ مزن وزیر ئِ مشیر برائے سول ایوی ایشن سردار مہتاب احمد عباسی، مسلم لیگ (ن) ئِ رھشون پیر صابر شاہ ئُُ نیشنل ہائی ویز اتھارٹی ئِ ٹوھھیں کادرندہ ھم اے موہ ئَ ساڑی اتنت۔ چیئرمین این سی ایچ اے شاہداشرف تارڈ ئَ مزن وزیر ئَ را ھمے منصوبگ ئِ بابت ئَ بریفنگ دات ایشی ئِ تہ ئَ گوشگ بوت کہ لواری ٹنل نوشہرہہ مردان ملاکنڈ۔ چکدرہ چترال نیشنل ہائی وے این 45ئِ سر ئَ اَنت ایشی ئِ دراجی 8.5کلومیٹر ئُُ 1.pکلومیٹر رابطہ سڑک ئُُ 12پُل ھوار اَنت۔بریفنگ ئَ مزن وزیر ئَ را ھال دیگ بوت کہ لواری ٹنل منصبوبگ ادے مردم آنی کوھنیں لو ٹ اِت۔ ایشی ئَ پاکستان مسلم لیگ (ن) ئِ حکومت ئَ سرجم ئُُ برجمیں دیمروئی ئِ ھاترا اربانی کلدار ئِ فنڈز جاڑی کتگ ئُُ اے منصوبگ مزن وزیر نواز شریف ئِ نیمگ ئَ خیبر پختونخوا ھاسیں رنگ ئَ چترال ئُُ ملا کنڈ ڈویژن ئِ ھاترا سوگات اِت ایشی ئِ بدولت ئَ چترال ئِ اُلس ملک ئِ ایندگہ بھر آنی تہئَ روگ ئُُ آیگ ئَ سرجمیںسال رکھ ایت۔ بریفنگ ئِ رد ئَ منصوبگ ئَ چہ دمگ ئَ اقتصادیی ئُُ دیمروئی چست ئُُ ایرانی دیمروئی، ھندی مردم آنی ھاترا روزگار ئِ موہ، سیل ئُُ سواد ئُُ دیمروئی ئُُ مساپر آنی وھد ئُُ پاس بچ اایت۔لواری ٹنل ئِ بنگیج ءِ موہ ئَ دیر ئُُ چتال ئِ اُلس آنی یک ٹوھیں کساس ئِ راجی ئُُ مسلم لیگ (ن) ئِ بیرک ئِ گوما جھردگ جنگ ئَ اتنت، ”مزن وزیر گام آں ترند کنگ ما گوں توں گون آں گوں“ ئُُ نوازشریف زندہ باد ئِ نھرگ ئَ جنگ ئَ اتنت۔ ادا اے گپ لائک ئِ تران اِنت کہ اے منصوبگ ئِ پی سی ون ئِ ھرچ ئُُ درچی کساس 27ارب کلدار اِنت۔ مزن وزیر نوفاز شریف ئَ چار سال پیسر ئَ سیٹ ئَ انچو نندگ ئَ پد اے نیمگ ئَ ھاسیں دلگوشی ئُُ اے گرانیں منصوبگ ئِ سرئَ عمل بندات بوتگ۔ سیل ئُُ سوادی پڑ ئَ را دیمروئی ھندی آباتیئِ معاشیات ئِ سر ئَ جوانی نکش رند ایت۔ مزن وزیر محمد نواز شریف ئِ سروکی ئَ سرجمیں ملک ئَ موٹر ویز ئُُ ہائی ویز ئُُ ہائی ویز ئِ جوڑیشیئُُ مستر کنگ ئِ رِچ 2013ئَ بندات بوتگ ایشی جوانی ئُُ کامیاتی ئَ گوں جاڑی اِنت۔ اے وھد ئَ کم ئُُ گیش 1200ارب کلدار ئَ چہ گیش شاہراتی منصوبگ جوڑیشت ءِ تہ ئَ اَنت ، ایشی ئَ نہ ایوک ئَ پاکستان بلکینگ ئَ سرجمیں پڑ ئِ معاشی باندات بندوک اِنت۔ سی پیک منصبوگ ئِ چیر دستی ئَ خنجراب ئَ چہ گوادر ئَ موٹرویز ئُُ ہائی ویز ئِ یک مزنیں نیٹ ورک جوڑ کنگ بوھگ ئَ انت ایشی ئِ بدولت ئَ پاکستان گوں وتی ھمساھگیں ملک آنی گوما نیامی ایشیائی ریاست آنی گوما دمگی تجارت ئِ چست ئُُ ایر آنی تہ ئَ بُنجاھی بستار ئَ پیلو کنت۔
